మంచులో కృతితో చైతూ హాయిగా రొమాంటిక్ సాంగ్

Posted: 03/31/2015 03:53 PM IST

సుధీర్ వర్మ దర్శకత్వంలో అక్కినేని నాగచైతన్య, కృతిసనన్ జంటగా నటిస్తున్న చిత్రం ‘దోచేయ్’. ఈ చిత్రానికి సన్నీ.ఎం.ఆర్ సంగీతం అందిస్తున్నాడు. ఈ చిత్రంలోని పాటల టీజర్లు రోజుకొకటి చొప్పున విడుదలవుతున్న విషయం తెలిసిందే.

ఇప్పటికే మూడు పాటల టీజర్లు విడుదలయ్యాయి. విజువల్స్ పరంగా ఈ పాటల టీజర్లు చాలా బాగున్నాయి. ఇందులో నాగచైతన్య, కృతిసనన్ చాలా బాగున్నారు. అయితే తాజాగా ఈరోజు మరో సాంగ్ టీజర్ ను విడుదల చేసారు.

‘హాయి హాయి...’ అంటూ సాగే ఈ పాట టీజర్ చాలా బాగుంది. విజువల్స్ పరంగా చాలా సూపర్బ్ గా అనిపిస్తోంది. సాంగ్ కూడా చాలా క్లాసీగా వుంది. నాగచైతన్య, కృతిసనన్ లుక్స్ పరంగా బాగున్నారు. శ్రీ వెంకటేశ్వర సినీచిత్ర బ్యానర్లో నిర్మాత బి.వి.ఎస్.ఎన్.ప్రసాద్ నిర్మిస్తున్నారు.

ఈ చిత్ర ఆడియోను ఏప్రిల్ 3వ తేదిన ఘనంగా విడుదల చేయనున్నారు. సినిమాను ఏప్రిల్ 17న ప్రపంచ వ్యాప్తంగా విడుదల చేయనున్నారు. తాజాగా విడుదలైన సాంగ్ టీజర్ మీకోసం అందిస్తున్నాం. చూసి ఆనందించండి.