మధురిమతో చైతూ హాట్ రొమాన్స్

Posted: 03/30/2015 03:55 PM IST

నాగచైతన్య నటిస్తున్న ‘దోచేయ్’ సినిమాకు సంబంధించిన పాటల టీజర్లు రోజుకొకటి విడుదల చేస్తున్న విషయం తెలిసిందే. ఇప్పటికే ‘నచ్చితే ఏ పనైనా...’, ‘ఒకరికి ఒకరు...’ అనే పాటల టీజర్లను విడుదల చేసారు. అయితే తాజాగా మరో పాటను విడుదల చేసారు.

‘ఆనాటి దేవదాస్...’ అంటూ ఐటెం సాంగ్ లా సాగే ఈ పాటను తాజాగా విడుదల చేసారు. ఈ పాట విజువల్స్ పరంగా చాలా బాగున్నప్పటికీ.. పాట మాత్రం కొంచెం కూడా వినసొంపుగా లేదు. ఏదో సినిమా బ్రాగ్రౌండ్ మ్యూజిక్ ను ఐటెం పాట విజువల్స్ కు జతచేసినట్లుగా అనిపిస్తుంది. ఈ పాటలో మధురిమ హాట్ హాట్ అందాల ప్రదర్శన చేసినట్లుగా కనిపిస్తోంది.

మరి ఈ పాటలు ఎలాంటి విజయం సాధిస్తాయో త్వరలోనే తెలియనుంది. శ్రీ వెంకటేశ్వర సినీచిత్ర బ్యానర్లో నిర్మాత బి.వి.ఎస్.ఎన్.ప్రసాద్ నిర్మిస్తున్న ఈ చిత్రానికి సుధీర్ వర్మ దర్శకత్వం వహిస్తున్నాడు. సన్నీఎం.ఆర్ సంగీతం అందిస్తున్నాడు. ఏప్రిల్ 3న ఆడియో, ఏప్రిల్ 17న సినిమాను విడుదల చేయనున్నారు.