ఉగాది రోజు బన్నీ బోయపాటిల సినిమా ముహూర్తం

Posted: 03/06/2015 10:36 AM IST

Allu arjun boyapati srinu movie launch on ugadi

స్టైలిష్ స్టార్ అల్లు అర్జున్ హీరోగా త్రివిక్రమ్ దర్శకత్వంలో తెరకెక్కుతున్న ‘సన్నాఫ్ సత్యమూర్తి’ చిత్ర షూటింగ్ చివరి దశకు చేరుకుంది. దేవిశ్రీప్రసాద్ సంగీతం అందిస్తున్న ఈ చిత్ర ఆడియో త్వరలోనే విడుదల చేసి, సినిమాను మే నెలలో విడుదల చేయడానికి సన్నాహాలు చేస్తున్నారు. ఈ సినిమా తర్వాత బోయపాటి శ్రీను దర్శకత్వంలో బన్నీ కొత్త సినిమా ప్రారంభం కానుంది.

అల్లు అర్జున్ హీరోగా కమర్షియల్ మాస్ చిత్రాల దర్శకుడు బోయపాటి శ్రీను దర్శకత్వంలో ఓ చిత్రం రూపొందనున్న విషయం తెలిసిందే. ఈ చిత్రాన్ని గీతా ఆర్ట్స్ బ్యానర్లో నిర్మాత అల్లు అరవింద్ నిర్మించనున్నారు. థమన్ సంగీతం అందించనున్నాడు.

ఈ చిత్ర ముహూర్త కార్యక్రమాలు మార్చి 21న ఉగాది రోజున జరుగనున్నాయి. రెగ్యులర్ షూటింగ్ ఏప్రిల్ నెలలో ప్రారంభం కానుంది. స్టైలిష్ రొమాంటిక్ యాక్షన్ ఎంటర్ టైనర్ గా రూపొందనున్న ఈ చిత్రంలో బన్నీ సరసన ఇద్దరు హీరోయిన్లుగా జతకట్టనున్నారు. త్వరలోనే మరిన్ని వివరాలు అధికారికంగా ప్రకటించనున్నారు.