మోసగాళ్లకు మోసగాడు ఫస్ట్ లుక్

Posted: 03/05/2015 02:03 PM IST

‘ప్రేమకథాచిత్రమ్’ సినిమాతో హీరోగా తనని తాను నిరూపించుకున్న నటుడు సుధీర్ బాబు ప్రస్తుతం ‘కృష్ణమ్మ కలిపింది ఇద్దరిని’ అనే చిత్రంలో నటిస్తున్నాడు. నందిత హీరోయిన్. ప్రస్తుతం ఈ చిత్ర షూటింగ్ శరవేగంగా జరుగుతోంది.

కన్నడంలో హిట్టయిన ‘ఛార్మినార్’ చిత్రానికి ఇది రీమేక్. ఇటీవలే విడుదలైన పాటలు, ట్రైలర్లకు మంచి స్పందన వస్తోంది. ఈ సినిమా తర్వాత సుధీర్ బాబు నటిస్తున్న మరో సినిమా విడుదలకు సిద్ధమవుతోంది.

‘డీకే బోస్’ సినిమా దర్శకుడు ఎఎన్ బోస్ దర్శకత్వంలో సుధీర్ బాబు హీరోగా ఓ చిత్రం తెరకెక్కుతుంది. ఇటీవలే నిఖిల్, స్వాతి జంటగా నటించిన ‘స్వామిరారా’ చిత్రానికి సీక్వెల్ ఇది. ఈ చిత్రాన్ని నిర్మాత చక్రి చిగురుపాటి నిర్మిస్తున్నాడు. ఈ సినిమాకు ‘మోసగాళ్ళకు మోసగాడు’ అనే టైటిల్ ఖరారు చేసారు.

తాజాగా ఈ చిత్రానికి సంబంధించిన ఫస్ట్ లుక్ పోస్టర్ ను విడుదల చేసారు. ఇందులో సుధీర్ చాలా స్టైలిష్ యాక్షన్ హీరోగా కనిపిస్తున్నాడు. ఈ సినిమాకు సంబంధించిన మరిన్ని వివరాలు త్వరలోనే తెలియనున్నాయి. ప్రస్తుతం సుధీర్ నటిస్తున్న ‘కృష్ణమ్మ కలిపింది ఇద్దరిని’ సినిమా విడుదలకు సిద్ధమవుతోంది.