విడుదలైన ఉత్తమ విలన్ తమిళ ఆడియో

Posted: 03/02/2015 10:07 AM IST

ప్రముఖ తమిళ నటుడు కమల్ హాసన్ నటిస్తున్న తాజా చిత్రం ‘ఉత్తమ విలన్’. నటుడు రమేష్ అరవింద్ దర్శకత్వంలో రూపొందుతున్న ఈ సినిమాకు ప్రముఖ ఇంటర్నేషనల్ సంస్థ ఈరోస్ ఇంటర్నేషనల్ భాగస్వామ్యం అందిస్తోంది. తిరుపతి బ్రదర్స్, రాజ్ కమల్ సంస్థలు సంయుక్తంగా నిర్మిస్తున్నారు.

ఇటీవలే విడుదలైన ట్రైలర్ కు మంచి స్పందన వచ్చింది. గిబ్రన్ సంగీతం అందించిన ఈ చిత్ర ఆడియో నిన్న విడుదలయ్యింది. ఈ ఆడియో విడుదల కార్యక్రమం ఘనంగా జరిగింది. తాజాగా మరో ట్రైలర్ ను కూడా విడుదల చేసారు. ఈ ట్రైలర్ కూడా సోషల్ మీడియాలో బాగా హల్చల్ చేస్తూ, మంచి స్పందనను సొంతం చేసుకుంటోంది.

కమల్ ద్విపాత్రాభినయం చేస్తున్న ఈ సినిమాలో ఆండ్రియా, పూజ కుమార్ లు హీరోయిన్లుగా నటిస్తున్నారు. అలాగే బాలచందర్, కె.విశ్వనాథ్, ఆండ్రియా, పూజ కుమార్, ఊర్వశి వంటి భారీతారాగణం నటించారు. త్వరలోనే తెలుగు ఆడియో కూడా విడుదల చేయనున్నారు. త్వరలోనే ఈ చిత్ర తెలుగు వర్షెన్ కు సంబంధించిన వివరాలు కూడా అధికారికంగా ప్రకటించనున్నారు.