హాట్ భామలో మణిరత్నం కనిపించాడట

Posted: 02/28/2015 12:36 PM IST

నటి రమ్యశ్రీ స్వీయ దర్శకత్వంలో తెరకెక్కుతున్న తాజా చిత్రం ‘ఓ మల్లి’. రమ్యశ్రీ, ఆకాష్, రఘుబాబు, శ్రీధర్, వేణు ప్రధాన పాత్రల్లో నటిస్తున్నారు. రమ్యశ్రీ దర్శకత్వంలో రూపొందిన ఈ చిత్రాన్ని ఆర్.ఎ.ఎంటర్ టైన్మెంట్స్ సమర్పణలో బి.ప్రశాంత్ నిర్మించారు.

సునీల్ కశ్యప్, కృష్ణమూర్తి సంగీతం అందించిన ఈ చిత్ర ఆడియో విడుదల కార్యక్రమం శనివారం హైదరాబాద్ లోని ప్రసాద్ ల్యాబ్స్ లో జరిగింది. ఈ సంధర్భంగా రమ్యశ్రీ మాట్లాడుతూ... నేను దాదాపు ఏడెనిమిది భాషల్లో బిజీగా అనేక పాత్రల్లో నటించాను. ఈ సినిమా కథ అనుకున్నప్పుడు వేరే ఎవరైనా నిర్మాత అయితే ఎలా చేస్తారోనని ఈ సినిమాను తానే చేశానని తెలిపింది.

అలాగే... ఈ సినిమా కోసం దాదాపు రెండున్నరేళ్లుగా కష్టపడ్డాను. చాలా ఇబ్బందులకోర్చి, సినిమాను అనుకున్న సమయంలో పూర్తి చేయగలిగాను. ఇందుకోసం నా బ్రదర్ ప్రశాంత్ నాకు అండగా నిలబడ్డారు. ఈ సినిమాకు కోసం అరకులో దాదాపు రెండు నెలలు చలిలో యూనిట్ అంతా కష్టపడ్డాం. సినిమాటోగ్రాఫర్ దత్తుగారైతే ‘నీలో నేను మణిరత్నంను చూస్తున్నానమ్మ’ అని అన్నారు. అలాగే సునీల్, కృష్ణ అద్భుతమైన సంగీతాన్ని అందించారు. ఈ సినిమాను అందరూ ఆదరిస్తారని భావిస్తున్నాను అంటూ ఏదో తెలియని బాధతో మాట్లాడింది.