భారీ రేటుకు అమ్ముడుపోయిన ‘శ్రీమంతుడు’ ఓవర్సీస్ రైట్స్!

Posted: 02/26/2015 01:53 PM IST

Mahesh babu koratala siva sreemanthudu overseas rights classics entertainment

ప్రిన్స్ మహేష్ బాబు, కొరటాల శివ దర్శకత్వంలో ఓ మూవీ తెరకెక్కుతున్న విషయం తెలిసిందే! ఈ చిత్రానికి అధికారికంగా ఇంకా టైటిల్ ఖరారు చేయలేదు కానీ.. ‘శ్రీమంతుడు’ అనే వర్కింగ్ టైటిల్ ప్రచారంలో వుంది. ఈ చిత్రంలో మహేష్ సరసన తొలిసారిగా శృతిహాసన్ జతకడుతోంది. ఇక ఇందులో జగపతిబాబు, సుకన్య, రాజేంద్రప్రసాద్, కమెడియన్ ఆలీ, వెన్నెల కిషోర్, తులసి, సితార తదితరులు నటిస్తున్నారు.

ఫ్యామిలీ ఎంటర్ టైనర్ గా తెరకెక్కుతున్న ఈ మూవీ ఓవర్సీస్ డిస్ట్రిబ్యూషన్ రైట్స్ ని ‘క్లాసిక్స్ ఎంటర్ టైన్ మెంట్’ సంస్థ భారీ రేటుకు కొనుగోలు చేసిందని సమాచారం! ఓవర్సీస్ లో వున్న సౌత్ ఇండియన్ మూవీ డిస్ట్రిబ్యూటర్లలో ఒకటైన ఈ సంస్థ.. ఎన్నాళ్ల నుంచో సినిమా రైట్స్ ని కొనుగోలు చేస్తూ బిజినెస్ కొనసాగిస్తోంది. ఈ నేపథ్యంలోనే ఇంకా షూటింగ్ దశలోనే వున్న మహేష్ మూవీని ఈ సంస్థ భారీ రేటుకు కొనుగోలు చేసింది. ఈ మూవీ ఓవర్సీస్ రైట్స్ తమకు లభించినందుకుగానూ వారు హర్షం వ్యక్తం చేస్తున్నారు. ఈ సినిమా ఖచ్చితంగా విజయం సాధిస్తుందనే నమ్మకాన్ని ఆ సంస్థ వ్యక్తం చేస్తోంది.

ఇక ‘ఆగడు’ చిత్రంతో డిజాస్టర్ చవిచూసిన మహేష్.. ఈ చిత్రంపై భారీ ఆశలు పెట్టుకున్నాడు. మరోవైపు అభిమానులు కూడా ఈ చిత్రం విజయం సాధిస్తుందని భావిస్తున్నారు. ప్రస్తుతం శరవేగంగా షూటింగ్ జరుపుకుంటున్న ఈ చిత్రాన్ని మే నెలలో విడుదల చేసేందుకు దర్శకనిర్మాతలు సన్నాహాలు చేస్తున్నారు.