జులాయితో ‘సాహసం’ చేస్తున్న గోవాబ్యూటీ!

Posted: 01/27/2015 05:24 PM IST

దక్షిణాది పరిశ్రమలో ఎంట్రీ ఇచ్చి హీరోయిన్’గా వెలుగు వెలిగిన గోవాబ్యూటీ ఇలియానా.. ఆమధ్య తట్టాబుట్టా సర్దుకుని బాలీవుడ్’కి వెళ్లిపోయిన సంగతి తెలిసిందే! ఆ తర్వాత మళ్లీ ఆమె సౌత్ ఇండస్ట్రీవైపు కన్నెత్తి కూడా చూడలేదు. అంతేకాదు.. బాలీవుడ్ ఇండస్ట్రీ ఎంతో మంచిదని పేర్కొన్న ఈ అమ్మడు, సౌత్ ఇండస్ట్రీపై విమర్శలు కూడా చేసింది. దీంతో కొంతమంది తెలుగు ఆర్టిస్టులు ఆమెపై పెదవి విరిచారు కూడా! అలా ఆ విధంగా వెళ్లిపోయిన అమ్మడు.. ఇప్పుడు మళ్లీ రీఎంట్రీ ఇచ్చేందుకు రెడీ అవుతోందని సమాచారం! అక్కడ అవకాశాలు చతికిలపడిపోవడంతో ఈ అమ్మడు సౌత్ జపం చేసుకుంటోందని అంటున్నారు.

తాజాగా ఈ అమ్మడు ఓ తమిళ చిత్రానికి సంతకం చేసినట్లు కోలీవుడ్ నుంచి వార్తలు వినిపిస్తున్నాయి. తమిళ నటుడు ప్రశాంత్ హీరోగా అతని తండ్రి త్యాగరాజన్ నిర్మిస్తున్న ‘సాహసం’ చిత్రంలోనే ఈమె కథానాయికగా నటిస్తోందని సమాచారం! ఇదిలావుండగా.. ఈ ‘సాహసం’ చిత్రం రెండేళ్లక్రితం తెలుగులో వచ్చిన ‘జులాయి’ చిత్రం ఆధారంగా రూపొందుతోంది. ఈ తెలుగు చిత్రంలోనూ కథానాయికగా ఇలియానా నటించిన సంగతి విదితమే! ఆమె అయితేనే ఆ పాత్రకు సరిపోతుందని భావనతో ఈ తమిళ రీమేక్ చిత్రంలోనూ ఇలియానానే సంప్రదించినట్లు ఇండస్ట్రీ వర్గాలు అంటున్నాయి. ఇలా ఈ విధంగా ఈ భామ మళ్లీ సౌత్’లోకి ఎంట్రీ ఇస్తోందన్నమాట!

AS