బీరువా ఆడియో విడుదల తేదీ ఖరారు

Posted: 12/20/2014 04:22 PM IST

Sundeep kishan beeruva audio release date

‘జోరు’ ఫ్లాప్ తర్వాత సందీప్ కిషన్ హీరోగా వస్తున్న ‘బీరువా’ ఫస్ట్ లుక్ ను కొద్ది రోజుల క్రితం మూవీ యూనిట్ విడుదల చేసింది. ఆ తర్వాత ప్రాజెక్టు గురించి ఎక్కడా వార్తలు, గుసగుసలు వినబడలేదు. కాని లేటెస్ట్ అప్ డేట్ ప్రకారం.., చడీచప్పుడు లేకుండా సైలెంట్ గా షూటింగ్ పూర్తి చేసుకుందట. పోస్ట్ ప్రొడక్షన్ పనులు కూడా జరుగుతున్నాయని తెలుస్తోంది. వాస్తవంగా ఈ నెలలోనే సినిమా విడుదల కావాల్సి ఉంది. అయితే సరైన డేట్లు లభించని కారణంగా విడుదల వాయిదా వేసుకున్నట్లు తెలుస్తోంది.

ఫిలింనగర్ వర్గాల తాజా సమాచారం ప్రకారం.., ఈ నెల 24న సినిమా ఆడియోను విడుదల చేసేందుకు సన్నాహాలు చేస్తున్నారు. ఇండస్ర్టీలో మంచి చిత్రాలు నిర్మించిన బ్యానర్ గా పేరొందిన ఉషా కిరణ్ మూవీస్ తో పాటు, ఆనంది ఆర్ట్స్ క్రియేషన్స్ సంయుక్తంగా ఈ సినిమాను నిర్మించాయి. భారీ అంచనాలతో వచ్చిన ‘జోరు’ పెద్ద ఫ్లాప్ అయినా.., ఈ మూవీని పెద్ద బ్యానర్ నిర్మిస్తుండటంతో బాగానే ఉంటుందన్న నమ్మకం ఏర్పడుతోంది. రామోజిరావు నిర్మాతగా రూపొందుతున్న ఈ సినిమాను ‘చిన్నోడు’, ‘నా ఊపిరి’ వంటి సినిమాలు డైరెక్ట్ చేసిన కన్మన్ తెరకెక్కిస్తున్నాడు. త్వరలోనే ఈ సినిమాకు సంబంధించి మరిన్ని అప్ డేట్స్ మీకు అందిస్తాము.

కార్తిక్