టాలీవుడ్ కు కొన్ని శుభపరిణామాలు

Posted: 12/17/2014 09:24 AM IST

తెలుగు ఇండస్ర్టీకి కొద్ది రోజులుగా వరుసగా శుభవార్తలు వస్తున్నాయి. తెలుగు నిర్మాత సీ.కళ్యాణ్ ఫిల్మ్ ఫెడరేషన్ ఆఫ్ ఇండియా సెక్రటరీగా ఎన్నికయ్యారు. ఈయనతో పాటు తెలుగువారైన కె.ఎస్ రామారావు, మురళీ మోహన్ ఎప్.ఎఫ్.ఐ. ఉపాధ్యక్షులుగా ఎన్నికయ్యారు. గతంలో కళ్యాణ్ సౌత్ ఇండియా ఫిలిం ఛాంబర్ అధ్యక్షులుగా పనిచేశారు. జాతీయ ఫెడరేషన్ లో ముగ్గురు తెలుగు వారు ఉండటం టాలీవుడ్ కు శుభపరిణామమే అని చెప్పాలి. వీరి వల్ల తెలుగు సినిమాలకు జాతీయ స్థాయి గుర్తింపు వచ్చే అవకాశం ఉందని సినీ విశ్లేషకులు అంటున్నారు.

ఇండస్ర్ట్టీలో అగ్ర నిర్మాతలు, డైరెక్టర్లను తెగ ఇబ్బంది పెట్టిన సెన్సార్ బోర్డు ధనలక్ష్మి ఈ మద్యే బదిలీ అయ్యారు. సినిమాల్లో అశ్లీలత, దూషణలను ఏ మాత్రం సహించని ఆమె చాలా సినిమాలను ఇబ్బంది పెట్టారు. అలాంటి ఆఫీసర్ బదిలి కావటం చాలామందికి శుభవార్త అవుతుంది కదా.

కార్తిక్