రికార్డ్ హిస్టరీ రిపీట్ అయింది

Posted: 11/26/2014 01:45 PM IST

బాలీవుడ్ బాద్ షా షారూఖ్ ఖాన్ ఎవర్ గ్రీన్ మూవీ ‘దిల్ వాలే దుల్హనియా లేజాయెంగే’ మూవీ గురించి చెప్పనవసరం లేదనుకుంటా. ప్రేమకు కొత్త అర్ధాన్ని, కొత్త కోణంను చూపిస్తూ వచ్చిన ఈ సినిమా ఇప్పటికీ ఓ రికార్డు. విడుదలై వెయ్యి వారాలు అవుతున్నా థియేటర్లో ఇంకా ప్రదర్శించబడుతూ., ప్రేమ పరిమళాలు, షారూక్ క్రేజ్ ను చాటుతోంది. ఇరవై సంవత్సరాల క్రితం (1995) వచ్చిన ఈ సినిమా అప్పట్లోనే రికార్డులు నమోదు చేసుకుంది. పాటలు, సినిమలోని డైలాగులు, నటన, కథ అంతా ఒకదాన్ని మించి ఒకటి సూపర్ అన్పిస్తాయి.

అందుకే ఇన్ని సంవత్సరాలు అవుతున్నా ఈ సినిమాకు ఇంకా క్రేజ్ తగ్గలేదు. తాజాగా ఈ సినిమా విడుదలై వెయ్యి వారాలు అవుతున్న సందర్బంగా రికార్డుల మూవీలోని కొన్ని సీన్లతో ట్రైలర్ విడుదల చేశారు. ఎంతయినా ‘దిల్ వాలే దుల్హనియా లేజాయెంగే’ అందులోనూ షారూఖ్ సినిమా. ఎన్ని సంవత్సరాలయితే ఏమిటి అన్నట్లుగా రెండు రోజుల్లోనే ఈ ట్రైలర్ ను రెండున్నర లక్షల మందికి పైగా వీక్షించారు. ఈ సంచలనాల ట్రైలర్ ను మీకోసం అందిస్తున్నాం.. మీరూ చూసి ఎంజాయ్ చేయండి.

కార్తిక్