‘‘కన్ను’’కొట్టాడు.. దూరంగా వెళుతున్నాడు..

Posted: 11/08/2014 02:53 PM IST

I movie release date postponed post productions and dubbing works not completed

భారీ సైంటిఫిక్ - ప్రతిష్టాత్మక చిత్రాలను తెరకెక్కించడంలో తనకంటూ ఒక ముద్ర వేసుకున్న శంకర్ దర్శకత్వంలో మరో వండర్ మూవీ ‘‘ఐ (మనోహరుడు)’’ రూపొందిన విషయం తెలిసిందే! దాదాపు రెండేళ్లపాటు షూటింగ్ జరుపుకున్న ఈ మూవీ సుమారు 180 కోట్ల బడ్జెట్ తో నిర్మించారు. అప్పటివరకు ఎవరూ దీనిమీద అంతగా ఆసక్తి చూపించని ప్రేక్షకులు... ఈ మూవీ టీజర్ రిలీజ్ అయిన తర్వాత సినిమాకోసం వెయ్యికళ్లతో ఎదురుచూస్తున్నారు. ఊహించని విధంగా ఇతర భాషల్లో డిస్ట్రిబ్యూటర్లు భారీ రేట్లకు చిత్రాన్ని కొనుగోలు చేస్తున్నారు. గత చిత్రాల రికార్డులను బద్దలు కొడుతుందని నమ్మకాన్ని ట్రేడ్ వర్గాలు వ్యక్తపరుస్తున్నారు. మొత్తానికి ఈ చిత్రం విడుదల కోసం తెగ వెయిట్ చేస్తున్నారు.

అయితే ఈ మనోహరుడు మాత్రం మొదట్లో ‘‘కన్ను’’కొట్టి దూరంగా పారిపోతున్నట్లు కనిపిస్తోంది. నిజానికి ఈ సినిమా నవంబర్ నెలలోనే విడుదల కావలసి వుంది. అయితే అనుకోకుండా రిలీజ్ డేట్ ను డిసెంబర్ కి వాయిదా వేసేశారు. దీంతో అభిమానులు ఓ మోస్తరు ఆగ్రహానికి గురైనా.. అందుకు వెయిట్ చేయడానికి సిద్ధంగా వున్నారు. కానీ ప్రస్తుత పరిస్థితుల నేపథ్యంలో ఈ సినిమా డిసెంబర్ లో రావడం అనుమానమేనని తెలుస్తోంది. చెన్నైవర్గాల సమాచారం ప్రకారం.. ఈ విజువల్ వండర్ మూవీ వచ్చే ఏడాది ఫిబ్రవరిలో ప్రేక్షకుల ముందుకు వస్తుందని టాక్! పోస్ట్ ప్రొడక్షన్ వర్క్స్, డబ్బింగ్ వర్క్స్ పూర్తిగా కాకపోవడమే రిలీజ్ కు లేట్ అవుతోందని యూనిట్ బృందాలు తెలుపుతున్నాయి. దీంతో మరో 100 రోజులకుపైగా ఈ సినిమాకోసం ప్రేక్షకులు నిరీక్షణ చేయక తప్పదు. అయితే ఈ విషయంపై నిర్మాతలు ఇంకా అధికారికంగా ప్రకటించలేదు.

విక్రమ్, అమీ జాక్సన్ జంటగా నటించిన ఈ సినిమాను 180 కోట్ల భారి వ్యయంతో ఆస్కార్ రవిచంద్రన్ నిర్మించారు. పిసి శ్రీరామ్ సినిమాటోగ్రాఫర్ పనిచేసిన ఈ మూవీకి ఏఅర్ రెహమాన్ సంగీతం అందించారు. తెలుగు ఆడియో త్వరలో విడుదల కానుంది. ఇండియాలో తెలుగు, తమిళ, హిందీ భాషలతోపాటు చైనాలో కూడా ఒకేసారి విడుదల చేయడానికి నిర్మాతలు సన్నాహాలు చేస్తున్నారు.