2015లో మహేష్, ఎన్టీఆర్ తో సినిమా

Posted: 09/30/2014 06:15 PM IST

Vv vinayak to make movies with mahesh babu and ntr

కొత్త సినిమాలపై సంచలనాల డైరెక్టర్ వి.వి వినాయక్ నోరు విప్పారు. 2015 సంవత్సరంలో ఇద్దరు స్టార్ హీరోలతో సినిమాలు చేస్తున్నట్లు చెప్పారు. అందులో ఒకరు సూపర్ స్టార్ మహేష్ బాబు కాగా మరొకరు యంగ్ టైగర్ ఎన్టీఆర్. వీరిద్దరితో వచ్చే ఏడాదిలో సినిమాలు చేస్తానన్నారు. మిగతా ప్రాజెక్టులు ఇంకా ఓకే కాలేదని ప్రస్తుతం చర్చల దశలో కొన్ని ఉన్నాయని చెప్పారు. విశాఖ జిల్లా నక్కపల్లకి వచ్చిన సందర్బంగా స్థానికంగా మీడియాతో వివి మాట్లాడారు.

వీరిద్దరితోనే కాకుండా మరో ఇద్దరు పెద్ద హీరోలతో రెండు సినిమాలు చేస్తానన్నారు. అయితే వారి పేర్లు వెల్లడించేందుకు ఆసక్తి చూపలేదు. ఇక ఎన్టీఆర్ తో కామెడి ఎంటర్ టైనర్ గా నిలిచిన ‘అదుర్స్’ సినిమాను తీసుకుని ‘అదుర్స్ 2’ చేస్తానని చెప్పారు. దీనికోసం కధను కూడా సిద్దం చేశానన్నారు. ఇక చిరంజీవి 150వ సినిమాకు సంబంధించి కధ విషయంలో చర్చలు జరుగుతున్నాయన్నారు. అయితే ఈ విషయంలో వస్తున్న ఊహాగానాలపై ఇప్పుడే ఏమి స్పందించలేమన్నారు.

సక్సెస్ ఫుల్ డైరెక్టర్ గా పేరు తెచ్చుకున్న వి.వి. వినాయక్ ఈ మద్య సినిమాలు తీయటం కాస్త తగ్గించారు. ఇటీవలే ఆయన డైరెక్ట్ చేసిన ‘అల్లుడు శీను’ విడుదల అయింది. అయితే అది పెద్దగా హిట్ సాధించలేకపోయింది. ప్రస్తుతం చిరు 150వ సినిమా చేయాలని భావిస్తున్నారు. మెగా టీం దగ్గర ఉన్న దర్శకుల లిస్ట్ లో వివి ముందు వరుసలో ఉన్నట్లు టాక్ విన్పిస్తోంది. మహేష్ ఇప్పటికే ఒక డైరెక్టర్ తో సినిమా ఓకే చెప్పటంతో అది పూర్తయితే వినాయక్ తో సినిమా తీసే అవకాశముంది.

కార్తిక్