హాలీవుడ్ రేంజికి మించిన ‘ఐ’ టీజర్!

Posted: 09/16/2014 10:03 AM IST

ఇండియన్ పరిశ్రమలో కమర్షియల్ చిత్రాలు తీయడంలో తనకంటూ ఒక ప్రత్యేక ఇమేజ్ ని క్రియేట్ చేసుకున్న తమిళ దర్శకుడు శంకర్... తాజాగా ‘‘ఐ’’ చిత్రాన్ని తెరకెక్కిస్తున్న విషయం అందరికీ తెలిసిందే! సుమారు 180 కోట్ల భారీ బడ్జెట్ తో తెరకెక్కిస్తున్న ఈ చిత్రంలో విక్రమ్, అమీ జాక్సన్ జంటగా నటిస్తున్నారు. ఇందులో విక్రమ్ దాదాపు 60 గెటప్ లలో కనిపించనున్నాడని ఇదివరకే శంకర్ ప్రకటించాడు. ఇంతటి భారీ ప్రతిష్టాత్మక చిత్రాన్ని నిర్మిస్తున్న రవిచంద్రన్... ఈ మూవీ ఆడియో వేడుకను 7 కోట్లు ఖర్చు పెట్టి ఘనంగా నిర్వహించాడు. ఆస్కార్ అవార్డ్ విజేత ఏఆర్ రెహమాన్ సంగీత దర్శకత్వం వహించిన ఈ మూవీ వేడుకకు ముఖ్య అతిథిగా ప్రముఖ హాలీవుడ్ స్టార్ ఆర్నాల్డ్ ను విచ్చేసిన సంగతి విదితమే! ఈ ఫంక్షన్ సందర్భంలోనే ఈ మూవీకి సంబంధించిన టీజర్ ను రిలీజ్ చేశారు.

‘‘ఐ’’ మూవీ టీజర్ ను చూస్తుంటే.. ఈసారి శంకర్ మునుపటికంటే హద్దులు లేకుండా దూసుకుపోయాడని తెలుస్తోంది. ఒక రోబోతో లవ్ యాంగిల్ సినిమా తెరకెక్కించి ఇండస్ట్రీలో సరికొత్త ఒరవడిని మొదలుపెట్టిన ఈ డైరెక్టర్.. ఈసారి ఒక కురూపీతో వున్న విక్రమ్ చేత అదే లవ్ గేమ్ ఆడించబోతున్నాడని ఈ టీజర్ ను గమనిస్తే తెలుస్తోంది. హాలీవుడ్ తరహాలో గ్రాఫిక్స్, మేకప్, బ్యాక్ గ్రౌండ్ వంటివన్ని ఎఫెక్ట్ లు అదిరిపోయే రేంజిలో వున్నాయి. ఇండియాలో ఇంతవరకు ఏ మూవీలేని విధంగా దీనిని శంకర్ సరికొత్త యాంగిల్ లో చిత్రీకరించేసినట్లు తెలుస్తోంది. ఖచ్చితంగా బడ్జెట్ పెట్టిన దానికంటే రెండింతలు ఎక్కువగానే ఈ మూవీ కలెక్షన్లను సాధిస్తుందని ట్రేడ్ వర్గాలు టీజర్ ను బట్టే అంచనాలు వేస్తున్నాయి. ఎందుకంటే.. టీజర్ రిలీజైన కొన్ని గంటల్లోనే 10,20,000 మంది వీక్షించడమే ఇందుకు ఉదాహరణగా పేర్కొంటున్నారు.

"ఐ" మూవీ ఆడియో లాంచ్ స్టిల్స్

AS