అడ్డాల నాడు ఉన్న ప్రేమలు గడ్డాల నాడు ఉండవంటారు. తల్లితండ్రులపై పిల్లలకు చిన్నపుడు ఉన్న ప్రేమ వారు పెరిగి పెద్దయ్యాక ఉండదు. కడుపున పుట్టినవారికే ఇలా ఉంటే వారి తర్వాతి తరం వారికి ఇంకేం చెప్పాలి. బామ్మ, తాతయ్య అంటే మనవలు, మనవరాళ్ళకు కేవలం అవసరాలు తీర్చే మెషిన్లుగా.., ఆ తర్వాత పనికిరాని వారిగా కన్పిస్తున్నారు. నటి మనోరమ ఆస్తిపై ఆమె కుటుంబంలో వివాదం నడుస్తోంది. చివరికిది కోర్టు దాకా వచ్చింది. ఆస్తిపై కుటుంబ సభ్యులు ఏకంగా విడిపోయారు. వెయ్యికి పైగా సినిమాల్లో అనేక పాత్రల్లో నటించిన మనోరమ మంచి వ్యక్తిగా పేరు తెచ్చుకున్నారు. సినిమాల్లో నటించిన డబ్బుతో ఆమె చెన్నై, తిరువళ్ళూరు ప్రాంతాల్లో కోట్ల రూపాయల విలువ చేసే ఆస్తులను కొనుగోలు చేశారు. అయితే ప్రస్తుతం మనోరమ ఆరోగ్యం క్షీణించినట్లు తెలుస్తోంది. బామ్మను కాపాడుకోవటం పక్కన బెట్టి ఆస్తికోసం మనవడు, మనవరాలు తగువుకు దిగారు.
మనోరమ మనవరాలు అభిరామి చెన్నై సివిల్ కోర్టులో పిటిషన్ దాఖలు చేసింది. తన బామ్మ ఆరోగ్యం క్షీణించిందనీ.., చుట్టు ఏం జరుగుతుందో కూడా తెలుసుకోలేని స్థితిలో ఆమె ఉందని పిటిషన్లో వెల్లడించింది. అటు తన తండ్రి భూపతి కూడా మద్యానికి బానిసై మతిస్థిమితం లేకుండా ఉన్నారని తెలిపింది. కుటుంబ సభ్యుల ఆనారోగ్యంను సాకుగా చూపి తన అన్న రాజరాజన్. మనోరమ ఆస్తులను ఆయన పేరుకు మార్చుకున్నాడని ఆరోపించింది. బామ్మపై మవరాలికి బాగానే ప్రేమ ఉందనుకుంటే పొరపాటే. అభిరామి పిటిషన్ దాఖలు చేసింది ఆస్తిలో వాటా కోసం తప్ప.., ఆస్తిని కాపాడాలని కాదు. తన అన్న ఆస్తిని విక్రయించటానికి ప్రయత్నిస్తున్నాడని ఆరోపించింది. బామ్మ ఆస్తిల తనకు కూడా సగభాగం వాటా వస్తుందని కోర్టుకు తెలిపింది. రాజన్ చర్యల వల్ల తనకు తీవ్ర నష్టం కలుగుతుందని ఆవేదన వ్యక్తం చేసింది.
ఈ పిటిషన్ పరిశీలించిన న్యాయమూర్తి మనోరమ కోడలు ధనలక్ష్మి, ఆమె మనవడు రాజరాజన్ ఈనెల 22లోపు కౌంటర్ దాఖలు చేయాలని ఆదేశించింది. తదుపరి విచారణను వాయిదా వేసింది. ఈ లోపు బామ్మ ఆస్తి పూర్తిగా తనది అనేందుకు రాజరాజన్ ఆధారాలు సేకరించుకోవటంలో బిజీగా ఉన్నాడు. ఆరోగ్యం క్షీణించిన మనోరమకు సేవలు చేయాల్సింది పోయి.., ఆమె ఆస్తి కోసం అన్నా చెల్లెల్లు కొట్టు కోవటంపై బంధువులు ఆవేదన వ్యక్తం చేశారు. సినిమాల్లో పెద్దరికం పాత్రలు వేసిన మనోరమకు నిజ జీవితంలో మాత్రం ఆ పెద్దరికం ఎక్కువ కాలం లేదని చెప్తున్నారు. బామ్మపై కంటే ఆమె ఆస్తిపైనే ప్రేమను చూపిస్తున్న ఈ మనవడు, మవనరాలు వారి కన్న తల్లితండ్రులనైనా చూసుకుంటారా.. లేక వారు తమకేమిచ్చారని వదిలేస్తారా?
కార్తిక్
(And get your daily news straight to your inbox)
Oct 08 | పాన్ ఇండియా స్టార్ ప్రభాస్ బాహుబలి సిరీస్ చిత్రాల తరువాత అలాంటి హిట్ ఇప్పటివరకు అందుకోకపోవడం ఆయన అభిమానుల్లో కలవరాన్ని రాజేస్తోంది. సాహో కలెక్షన్ల పరంగా ఫర్వాలేదని అనిపించినా.. ఆ తరువాత వచ్చిన రాధేశ్యామ్... Read more
Oct 08 | టాలీవుడ్ స్టార్ కమెడియన్ వెన్నెల కిశోర్ తెలుగు సినీపరిశ్రమలో తన జోరు చూపుతున్నాడు. తెలుగు చిత్రపరిశ్రమకు పరిచయమైన సీనియర్ కమేడియన్ అయినా.. ఇప్పటికీ యంగ్ లుక్ తో మంచి టైమింగ్, హావభావాల ప్రకటనలతో రాణిస్తున్నాడు.... Read more
Oct 08 | మెగాస్టార్ చిరంజీవి ప్రధానపాత్రలో తెరకెక్కిన 'గాడ్ ఫాదర్' చిత్రం ఈ నెల 5న విడుదలై విజయవంతంగా ప్రదర్శితమవుతోంది. ఈ సినిమాలో బాలీవుడ్ సూపర్ స్టార్ సల్మాన్ ఖాన్ 'మసూద్ భాయ్' అనే పవర్ ఫుల్... Read more
Oct 08 | ప్రముఖ దర్శకుడు మణిరత్నం మానసపుత్రిక అయిన పోన్నియన్ సెల్వన్ ప్రాజెక్టును ఎట్టకేలకు ఆయన తెరకెక్కించిన విషయం తెలిసిందే. అయితే రెండు భాగాలుగా ఈ చిత్రం రూపొందుతున్న విషయం తెలిసిందే. అయితే ఈ చిత్రం తొలిభాగం... Read more
Oct 08 | తమిళంలో హిట్ అయిన చిత్రాలు రీమేక్ గా తెలుగులో తెరకెక్కి హిట్ సాధించడం సాధరణంగా మారిపోయింది. ఈ క్రమంలో మొదటి నుంచి విభిన్నమైన కథలను .. విలక్షణమైన పాత్రలను ఎంచుకుంటూ.. నటిస్తున్న యంగ్ హీరో... Read more