తాప్సీ కెరీర్ ని మార్చేసిన ‘‘బికినీ’’!

Posted: 07/30/2014 04:17 PM IST

Tapsee wearing bikini dresses in bollywood and kollywood

ఆమధ్య విక్టరీ వెంకటేష్, తాప్సీ జంటగా మెహర్ రమేష్ దర్శకత్వంలో వచ్చిన ‘‘షాడో’’ మూవీ గురించి అందరికీ తెలిసే వుంటుంది. ఆ సినిమా విక్టరీ వెంకటేష్ కెరీర్ లోనే భారీ ఫ్లాప్ అయితే... తాప్సీ పన్నుకి మాత్రం బాగానే కలిసొచ్చిందని చెప్పుకోవచ్చు. ఎందుకంటే.. ఆ సినిమాలో ఈ పంజాబీ అమ్మడు బికినీ వేసుకుని తెలుగు ప్రేక్షకులను మత్తెక్కించేలా చేసింది. పైగా తాప్సీ ఆ బికినీలో బాగా సెట్ అయ్యిందని, ఆమె ఫిగర్ కు తగ్గట్టు అందులో బాగానే కనిపించిందని సినీవిశ్లేషకులతోపాటు ప్రేక్షకజనాలు కూడా తమ అభిప్రాయాలను వ్యక్తం చేశారు. దాంతో ఈమెకు సినిమాల్లో ఆఫర్లు కూడా బాగానే వచ్చాయి. కానీ వరుసగా పరాజయాలు చవిచూడటం వల్ల ఈ అమ్మాయి కెరీర్ గాడిలో పడిపోయిందని అందరూ ఫిక్స్ అయిపోయారు. అవకాశాలు కూడా పూర్తిగా కరువయిపోయాయి.

ఈ తరుణంలోనే తాప్సీ తన కెరీర్ ను మలుచుకోవడం కోసం ముంబయికి మకాం మార్చుకుంది. అక్కడికి వెళ్లగానే ఈ అమ్మడు అదృష్టంకొద్ది బాలీవుడ్ యాక్షన్ హీరో అయిన అక్షయ్ కుమార్ సరసన ‘‘బేబీ’’ అనే ఓ యాక్షన్ థ్రిల్లర్ చిత్రంలో నటించే ఛాన్స్ కూడా లభించింది. అయితే ఒక్క సినిమాతోనే కెరీర్ ని మలుచుకోవడం సాధ్యంకాదు కాబట్టి.. మరిన్ని ఆపర్లను చేజిక్కించుకోవడం కోసం తనదైన శైలిలో ఈ అమ్మడు ఎన్నో ప్రయత్నాలు చేస్తోంది. వీలు దొరికినప్పుడల్లా బాలీవుడ్ లో దర్శకనిర్మాతల చుట్టూ చక్కర్లు కొడుతూ కాలం గడుపుతోంది. అంతేకాకుండా... తన హాట్ అందాలు కనిపించేవిధంగా చిన్నచిన్న డ్రెస్సులు కూడా వేసుకుని తిరుగుతోందని సమాచారం!

ఈ నేపథ్యంలోనే తాప్సీకి ఓ దర్శకుడు తన సినిమాలో నటించాల్సిందిగా ఆపర్ ఇచ్చాడని సమాచారం! అయితే ఇందులో నటించాలంటే.. ముందుగా ఒక టెస్ట్ లో పాసవ్వాలని ఒక చిన్న పరీక్ష పెట్టాడట! ఆ పరీక్షలో భాగంగా ఈ అమ్మడు బికినీ వేసుకోవాల్సి వుంటుంది. దర్శకుడు తాప్సీకి ఈ మాట చెప్పగానే వెంటనే బికినీలో పోజులిస్తూ ఒక ఫోటోషూట్ ఇచ్చేసింది. అందులో ఈ అమ్మడు సాధ్యమైనంతవరకు తన అంగంగాలను ప్రదర్శిస్తూ చాలా హాట్ గా పోజులిచ్చిందని సమాచారం! ఎలాగైనా బాలీవుడ్ లో తన స్థానం పదిలం పర్చుకోవాలని భావించిన తాప్సీ కూడా వచ్చిన అవకాశాన్ని వదులుకోకుండా దర్శకుడికి పిచ్చెక్కిపోయేలా బికినీలో ఫోటోషూట్ ఇచ్చిందట! ఆ ఫోటోలను వీక్షించిన సదరు దర్శకుడు కూడా ఆమె అందాలకు ఫిదా అయిపోయి ఆమెకు తన సినిమాలో నటించే అవకావాన్ని ఇచ్చేశాడు.

అసలు విషయం ఏమిటంటే... సూజిత్ సర్కార్ అనే బాలీవుడ్ డైరెక్టర్ ఆయుష్మాన్ ఖురానాతో ఓ సినిమాను తెరకెక్కించబోతున్నాడు. తొలుత అందులో కథానాయికగా యామీగౌతమ్ ని తీసుకోవాలని నిర్ణయించారు. అయితే ఆ సినిమాలో కొన్ని సన్నివేశాల్లో బికినీ ధరించుకోవాల్సి వుంటుంది. ముందుగా యామీగౌతమ్ ను బికినీ బాగుంటుందా లేదా అని టెస్ట్ చేశారు. అది వేసుకోవడానికి ముందు తడబడినా యామీ.. ఎలాగోలా వేసుకుంది. కానీ అందులో ఆమె అస్సలు సెట్ కాలేకపోయిందని ఆ మూవీ యూనిట్ సభ్యులు పేర్కొన్నారు. యామీ కూడా బికినీలో కంఫర్ట్ గా వుండలేనని స్వయంగా పేర్కొంది కూడా! దీంతో ఆ డైరెక్టర్ తాప్సీని సంప్రదించి బికినీ టెస్ట్ చేయగా... అందులో ఆమె సెట్ కావడంతో ఓకే చేసేశారని ఇండస్ట్రీ వర్గాలు పేర్కొంటున్నాయి. దీంతో.. ప్రస్తుతం తాప్సీ కెరీర్ ని ‘‘బికినీ’’ మార్చేసిందని విశ్లేషకులు చెప్పుకుంటున్నారు.