ఈయనెవరో తెలుసుకోండి చూద్దాం..!

Posted: 07/21/2014 01:09 PM IST

Amitabh bachchan shamitabh movie first look

అదేనండి! బాలీవుడ్ బిగ్ బీ అమితాబ్ బచ్చన్! ఈయన నటిస్తున్న తాజా చిత్రం ‘‘షమితాబ్’’! ఈ సినిమాలో ఆయన నటిస్తున్న సందర్భంగా అందులో తన పాత్ర గురించి జనాలకు తెలియజేస్తూ అమితాబ్ తన ట్విటర్ ఈ ఫోటోను పోస్ట్ చేసుకున్నాడు. ఇందులో తన క్యారెక్టర్ ఎంతో అద్భుతంగా వుంటుందని, ఇటువంటి పాత్రలో నటించడం తనక్కూడా ఎంతో ఆహ్లాదాన్ని కల్పిస్తోందని ఆయన చెప్పుకొచ్చాడు.

ఇందులో భాగంగానే ఆయన.. ‘‘షమితాబ్ షూటింగ్ లో పాల్గొన్న నేను.. ఆ రోజంతా ఆ పాత్రలో విలీనమయి, ఆ జుట్టును కంట్రోల్ చేసుకునే ప్రయత్నంలో చాలా శ్రమించానని, ఇలా వుండటం నాకు మంచి అనుభవాన్ని కలిగింది’’ అంటూ ఆయన ట్వీట్ చేశాడు. దీనిపై ఆయన అభిమానులు కూడా హర్షం వ్యక్తం చేస్తూ ఆయన గెటప్ చాలా థ్రిల్లింగ్ గా వుందని, ఈ చిత్రం విడుదల కోసం ఎంతో ఆసక్తిగా ఎదురుచూస్తున్నామంటూ రీట్వీట్ చేశారు.

గతంలో అమితాబ్ నటించిన ‘‘చీని కమ్, పా’’ వంటి అనూహ్యమైన చిత్రాలకు దర్శకత్వం వహించిన ఆర్. బల్కీ.. ఈ ‘‘షమితాబ్’’ చిత్రానికి దర్శకత్వ బాధ్యతలను వహిస్తున్నాడు. ఇందులో ధనుష్ హీరోగా నటిస్తుండగా... విలక్షణ నటుడు కమల్ హాసన్, శృతిహాసన్ చెల్లెలు అయిన అక్షర హాసన్ హీరోయిన్ గా బాలీవుడ్ లో ఎంట్రీ ఇవ్వబోతోంది.