నాకు గానీ తిక్కరేగితే.....

Posted: 07/11/2014 10:59 AM IST

నాకు తిక్క రేగితే ఏం చేస్తానో నాకే తెలియదు అని అంటుంటాం. ఇప్పుడు అల్లు అర్జున్ కి కూడా తిక్కరేపబోతున్నాడు దర్శకుడు సంతోష్ శ్రీనివాస్. ‘కందిరీగ ’ చిత్రంలో ఫేం అయ్యి, ఏకంగా ఎన్టీఆర్ తో ‘రభస ’ చిత్రాన్ని చేస్తున్న ఈ దర్శకుడు త్వరలో ‘తిక్కరేగితే ’ అనే సినిమాను తీయబోతున్నాడు. ఇప్పటికే కథ సిద్దం చేసుకున్న ఈయన ఈ సినిమా ఎవరితో తీయబోతున్నాడనేది ఆసక్తిగా మారింది.

ఇప్పటికే రవితేజతో తీయబోతున్నాడని ప్రచారం జరిగినా, ఇప్పుడు అల్లు అర్జున్ తో తీయబోతున్నాడని టాక్. ఇటీవలే ఆయన స్టోరీని అల్లు అర్జున్ కి వినిపించాడని, దానికి బన్నీ కూడా ఓకే చెబుతూ ఓ కండీషన్ కూడా పెట్టాడట. ప్రస్తుతం తీస్తున్న  ‘రభస ’ హిట్టయితే ఈ చిత్రం చేయడానికి నాకు ఎటువంటి అభ్యంతరం లేదని చెప్పడంతో ఈయన ఆనందానికి అవధులు లేకుండాపోయాయి.

‘రభస ’ విషయంలో ఎంతో కాన్ఫిడెంట్ గా ఉన్న సంతోష్ మాత్రం తన తరువాతి సినిమా బిన్నీతోనే అని కలలు కంటున్నాడు. అన్నీ కుదిరితే ప్రస్తుతం త్రివిక్రమ్ తో చేస్తున్న సినిమా తరువాత బన్నీ సంతోష్ శ్రీనివాస్ దర్శకత్వలో చేయనున్నాడన్న మాట.

Knr