అక్కినేని అఖిల్ ఎంట్రీ ఖరారు

Posted: 06/24/2013 12:30 PM IST

అప్పుడెప్పుడో చిన్నప్పుడు ‘సిసింద్రీ ’ గా ప్రేక్షకులను అలరించిన అక్కినేని అఖిల్ వెండితెర పై హీరోగా ఎప్పుడెప్పుడు ఎంట్రీ ఇస్తాడని అక్కినేని ఫ్యాన్స్ ఎదురు చూస్తున్న విషయం తెలిసిందే. ఆ మధ్యన లో ఈయన ఎంట్రీ పై రకరకాల వార్తలు వచ్చాయి. కానీ తాజాగా అక్కినేని నాగార్జున ఈయన ఎంట్రీ పై ఫ్యాన్స్ కి క్లారిటీ ఇచ్చారు. నిన్న అక్కినేని సుశాంత్ నటించిన ‘అడ్డా ’ సినిమా ఆడియోకి వచ్చిన నాగ్ మాట్లాడుతూ... మొన్న గ్రీకువీరుడు ఆడియోకు వచ్చారు, నిన్న నాగచైతన్య ‘తడాఖా ’ ఆడియోకి వచ్చారు, నేడు సుశాంత్ ‘అడ్డా ’ అడియోకి వచ్చారు, రేపు అంటే వచ్చే సంవత్సరం ‘అక్కినేని ‘ అఖిల్  సినిమాఆడియో ఫంక్షన్ కి వస్తారంటూ అఖిల్ ఎంట్రీని ఇన్ డైరెక్ట్ గా కన్ ఫర్మ్ చేశాడు నాగ్. దీంతో ‘శిల్పా కళా వేదిక ’ఈలలో అదిరిపోయింది. దీనిని బట్టి అఖిల్ సినిమా త్వరలో ఉంటుందని  అర్థం చేసుచేసుకోవచ్చు. ఇక ఈ సినిమాకు సంబంధించి కొన్ని విషయాల పైనే క్లారిటీ రావాల్సింది ఉంది. అఖిల్ సినిమాను అన్ని వర్గాల ప్రేక్షకులు ఆమోదించదగ్గ సబ్జెక్టు, స్క్రీన్ ప్లేను ఓ సీనియర్ దర్శకుడుతో రెడీ చేయిస్తున్నాడని టాక్. ఏమైతేనేం నాగ్ స్టేట్ మెంట్ లో ఆయన ఎంట్రీ పై సస్పెన్స్ వీడింది.