Posted: 10/01/2012 06:06 PM IST

మెగాస్టార్ చిరంజీవి తనయుడు, మెగాపవర్ స్టార్ రామ్ చరణ్, ప్రముఖ దర్శకుడు వి.వి.వినాయక్ దర్శకత్వంలో ‘నాయక్ ’ సినిమాలో నటిస్తున్న విషయం తెలిసిందే. ఈ సినిమా ఇంకా షూటింగ్ జరుపుకుంటుంది. ఈ సినిమాని వీలైనంత తర్వగా పూర్తి చేసి సంక్రాంతికి విడుదల చేస్తామని గతంలో దర్శక నిర్మాతలు ప్రకటించారు. కానీ తాజాగా ఈ సినిమాని సంక్రాంతి బరినుండి తప్పించినట్లు సమాచారం. సంక్రాంతికి భారీ సినిమాలు విడుదలవడమే  దీనికి కారణంగా చెబుతున్నారు. అన్ని పెద్ద సినిమాలు ఒకేసారి విడుదల చేస్తే, కలెక్షన్ల పై ప్రభావం పడటమే కాకుండా, థియేటర్ల సమస్య కూడా ఉంటుందని భావించి ఈ సినిమాని జనవరి చివరి వారంలో గానీ, ఫిబ్రవరి మొదటి వారంలోగానీ విడుదల చేయాలని భావిస్తున్నట్లు సమాచారం.

‘రచ్చ ’ విజయంతో ఊపు మీద ఉన్న రామ్ చరణ్ ఈ చిత్రంలో రామ్ చరణ్ డ్యూయల్ రోల్ చేస్తుండగా....అతని సరసన సరసన కాజల్ అగర్వాల్, అమలపాల్ నటిస్తున్నారు. ఇవే కాకుండా హిందీలో ఓ సినిమా, తెలుగులో ‘ఎవడు ’ అనే సినిమాలు చేస్తున్నాడు.