సంవత్సర ప్రారంభంలో ఉద్యోగ, వ్యాపారపరంగా ఆర్థిక లాభాలను పొందుతారు. తద్వారా గృహాలలో శుభకార్యాలను నిర్వహించుకుంటారు. అయితే కాలంగడిచేకొద్దీ ఫలితాలు తగ్గుముఖం పడుతాయి. వ్యవసాయం, శ్రామిక రంగాలలో వున్నవారికి ఈ సంవత్సరంలో ప్రారంభదశ చాలా మేలు.

ఇండస్ట్రీలను నిర్వహించుకునే వ్యాపారస్తులకు ఈ సంవత్సరం కత్తిమీద సాములా సాగుతుంది. ఉద్యోగస్తులు తమ ఉద్యోగాన్ని బదలీ చేసుకోవడం ఎంతో మేలు. 

వస్త్రం, బంగారం, లోహాలు, కిరాణా వ్యాపారస్తులకు సంవత్సరంలో ఉత్తరార్థం ఎంతో ఉత్తమమైంది. అలాగే వైద్యులు, రాజకీయనేతలు, న్యాయవాదులు ఎన్ని ప్రతిబంధకాలు కలుగుతున్నా... చివరకు అనుకూల ప్రతిఫలాలను పొందుతారు. వ్యాపారస్తులకు ఋణ మంజూరు విషయాలలో ఇబ్బందులు ఎదురవుతాయి.

గృహంలో సంతానం వల్ల కొత్త సమస్యలు ఏర్పడి, అశాంతి వాతావరణం ఏర్పడుతుంది. తీవ్ర మానసిక వేదన, ఆందోళన, ఆరోగ్య సమస్యలతో నిత్య బాధుపడుతుంటారు.

సంవత్సర ప్రారంభంలో కుజుడు ప్రభావం వల్ల నేత్ర పీడనం, రక్తపోటు, ఆరోగ్య సమస్యలు, వైద్యపరమైన చికిత్సల సమస్యలు ఎదుర్కోవడం జరుగుతుంది. అధిక ధనవ్యయం అవుతుంది.