దేశీయ విఫణీలోకి శాంసంగ్ 4K UHD టివిలు.. ధరెంతో తెలుసా.?

Posted: 03/09/2019 03:15 PM IST

Samsung to launch 4k uhd tv line up at a starting price of rs 40 000 in india

భారతీయులు సరికొత్త అలోచనా ధోరణలకు సృజనాత్మకతకు తగినట్టుగా నూతన సాంకేతికతో ఇమిడివున్న టీవీలకు అధికంగా అకర్షితులు అవుతున్నారు. స్మార్ టీవీలు, హెచ్ డి టీవీలు తరువాత టీవీల ఉత్పత్తిలో వేగంగా వస్తున్న విప్లవాత్మక మార్పుల నేపథ్యంలో తాజా ట్రెండ్ ను అనుసరించి ఆండ్రాయిడ్, అమోల్డ్ టెక్నాలజీని అందిపుచ్చుకుంటున్నారు. ఈ క్రమంలో భారతీయుల మనసు తెలిసిన దక్షిణ కొరియా కంపెనీ... శాంసంగ్ సరికొత్త టీవీని అవిష్కరించనుంది.

వచ్చే వారం ఇండియాలో లాంచ్ చెయ్యబోతున్న సరికొత్త 4K UHD TV రేటు రూ.60,000 ఉండబోతోంది. మార్చి రెండో వారం నుంచీ ఇది ఆన్‌లైన్‌లో అందుబాటులో ఉంటుందని కంపెనీ తెలిపింది. ఇండియాలో 4K UHD TVల సిరీస్ తెస్తున్న శాంసంగ్... వీటి ప్రారంభ ధర రూ.40,000 నుంచీ మొదలవుతుందని వివరించింది. ఆన్‌లైన్ ఫోకస్‌గా వస్తున్న ఈ మోడల్స్‌లో చాలా ఎక్కువ స్మార్ట్ ఫీచర్లను ఇన్‌బిల్ట్ చేస్తున్నారు. ప్రధానంగా లైవ్ కాస్ట్, మ్యూజిక్ ప్లేయర్స్, లాగ్ ఫ్రీ గేమింగ్ వంటి ఫీచర్లు ఉండబోతున్నాయి.

ఈ సిరీస్ టీవీలు... 43 ఇంచెస్, 50 ఇంచెస్, 55 ఇంచెస్ స్క్రీన్ సైజుల్లో లభించబోతున్నాయి. శాంసంగ్ తెస్తున్న UHD సిరీస్‌లో 2018 జూన్‌లో రిలీజ్ చేసిన రూ.64,900 ధర పలికిన 7100, 7470, 8000 series మోడల్స్ కూడా ఉండబోతున్నాయి. మొత్తంగా బ్రాండెడ్ మొబైళ్లు, స్మార్ట్ వాచీలు, స్మార్ట్ ల్యాప్‌టాప్‌లూ తెచ్చిన శాంసంగ్... 4K టీవీలతో ఇండియా మార్కెట్‌లో తన షేర్‌ను మరింత పెంచుకోవాలని చూస్తోంది.