ఆమేజాన్ లో హ్యాపీ హవర్స్.. సామ్ సంగ్ ఫోన్లపై ప్రత్యేకం ఆఫర్లు..

Posted: 02/13/2018 05:05 PM IST

సందర్భమేదైనా.. దానిని తమ ఉత్సత్తుల విక్రయానికి వినియోగించుకోవాలని ప్రస్తుతం మార్కెట్లోని అన్ని సంస్థలు పోటీ పడుతున్నాయి. ఈ క్రమంలో శివరాత్రి సందర్భంగా.. అంతకుమించి వాలెంటన్స్ డే సందర్భంగా ఈ కామర్స్ దిగ్గజ సంస్థ అమేజాన్ లో ‘శామ్ సంగ్ హ్యాపీ అవర్స్ సేల్’ నిర్వహిస్తోంది. లవర్స్ డే రోజున ప్రేమలో మునిగిన యువతీ యువకులు పరస్పరం కానుకలు ఇచ్చిపుచ్చుకోనున్న నేపథ్యంలో సామ్ సంగ్ ఎలక్ట్రానిక్స్ సంస్థ హ్యాపీ అవర్స్ పేరుతో తమ ఉత్పత్తులను ప్రేమికుల ముందుకు తీసుకువచ్చింది.

హ్యాపీ అవర్స్ విక్రయాలలో భాగంగా పలు రకాల సామ్ సంగ్ ఉత్పత్తులపై డిస్కౌంట్లు, పలు అపర్లను కూడా ప్రకటించింది. దీనికి తోడు పలు మైబైల్ ఫోన్ల విక్రయాలపై క్యాష్ బ్యాక్ లు, నోకాస్ట్ ఈఎంఐ ఆఫర్లను ప్రకటించింది. గెలాక్సీ 8 ను ఐసీఐసీఐ డెబిట్, క్రెడిట్ కార్డుతో కొనుగోలు చేస్తే రూ.1,500 తగ్గింపు లభిస్తుంది. పాత ఫోన్ తో ఎక్చేంజ్ చేసుకుంటే మరో రూ.2,000 వరకు తగ్గింపు పొందొచ్చు. బజాజ్ ఫిన్ సర్వ్ ఈఎంఐ సహా అన్ని ప్రముఖ క్రెడిట్ కార్డులపై వడ్డీ లేని ఈఎంఐ సదుపాయం కూడా కల్పిస్తోంది.

గెలాక్సీ ఆన్ 7ప్రైమ్ ధర రూ.12,990 కాగా, బజాజ్ ఈఎంఐ కార్డు, ఇతర క్రెడిట్ కార్డులతో నో కాస్ట్ ఈఎంఐ ద్వారా కొంటే రూ.1,000 తగ్గుతుంది. గెలాక్సీ ఆన్5ప్రో రూ.1,000, ఆన్ 7ప్రోపై రూ.2,000 ఫ్లాట్ డిస్కౌంట్ ఆఫర్ ఉంది. దీంతో తగ్గింపు అనంతరం ఆన్ 5 ప్రోను రూ.6,990కు, ఆన్7ప్రోను రూ.7,490కు సొంతం చేసుకోవచ్చు. ఎయిర్ టెల్ కస్టమర్లకు కూడా ఆఫర్లున్నాయి. గెలాక్సీ జే2, గెలాక్సీ జే7ప్రో, గెలాక్సీ జే7 ప్రైమ్, గెలాక్సీ జే5 ప్రైమ్ పై రూ.1,500 వరకు ఎయిర్ టెల్ కస్టమర్లు క్యాష్ బ్యాక్ లభించనుందని అమేజాన్ సంస్థ పేర్కోంది.