రిలయన్స్ జియోఫీ హాట్ స్పాట్ డాంగుల్

Posted: 09/20/2017 08:25 PM IST

దేశీయ టెలికాం రంగంలో విప్లవాత్మక మార్పులను తీసుకువచ్చిన రిలయన్స్ జియో.. ఇప్పటికే మార్కెట్లో సంచలనాలకు తెరలేపుతున్న క్రమంలో.. ప్రత్యర్థులకు కూడా దడ పుట్టిస్తుంది. టెలికాం మార్కెట్లో దిగ్గజ ప్రత్యర్థులను ఇప్పటికే ఢీకొట్టిన జియో.. ఇక అటు వై-ఫై మార్కెట్లోనూ సంచలనం రేపేందుకు సిద్దమవుతుంది. ఇప్పటికే రిలయన్స్‌ జియో తన జియోఫీ దరను ప్రారంభధరతో పొల్చితే.. సుమారుగా రూ.900 మేర తగ్గించిన జియో.. ఇక పండగ పూట తమ జీయోఫీ ఖాతాదారులను కూడా పెంచుకోవాలని సన్నాహాలు చేస్తుంది.

జియో హాట్‌ స్పాట్‌ ను ధరను సగానికి పైగా తగ్గించింది  ‘జియో ఫై’ 4 జీ హాట్ స్పాట్ పై ప్రత్యేక ఆఫర్ ను ప్రకటించింది. రూ. 1000 డిస్కౌంట్‌ తో పదిరోజుల పాటుచెల్లుబాటయ్యేలా పండుగ ఆఫర్‌ను లాంచ్‌ చేసింది. దసరా పండుగను పురస్కరించుకొని ప్రవేశపెట్టిన ఈ ఆఫర్ కింద జియో ఫై ధరను రూ. 999 గా (వాస్తవ ధర 1999) నిర్ణయించింది. సెప్టెంబర్ 20 నుంచి 30 వరకు  అందుబాటులో ఉంటుంది. 4జీ ఫోను లేకపోయినా 4 జీ వేగంతో డేటా, కాలింగ్ సదుపాయాలు పొందగలిగే సౌకర్యాన్ని జియో ఫై కల్పిస్తుంది. అలాగే వినియోగదారులు 3జీ లేదా 2జీ స్మార్ట్ ఫోన్లలో, లాప్ టాప్ లలో జియో యొక్క అద్భుతమైన సేవలను పొందవచ్చు.