భారతీయ విఫణిలోకి నోకియా 6 స్మార్ట్ ఫోన్‌.. ధరెంతో తలుసా.?

Posted: 08/23/2017 12:11 PM IST

భారతీయ స్మార్ట్ ఫోన్ వినియోగదారులకు శుభవార్త. ఎంతోకాలంగా ఎదురుచూస్తున్న నోకియా 6 స్మార్ట్ ఫోన్ ఇవాళ్టి నుంచి భారతీయ విఫణిలోకి అందుబాటులోకి వచ్చింది. హెచ్‌ఎండీ గ్లోబల్‌ విడుదల చేసిన మాద్యమిక స్థాయి ఆండ్రాయిడ్‌ స్మార్ట్ ఫోన్‌ విక్రయాలు ఇవాళ్టి నుంచే ప్రారంభమయ్యాయి. ఈ కామర్స్ దిగ్గజ సంస్థ అమెజాన్‌ ఇండియాలో ఇవాళ్టి నుంచే అమ్మాకాలు జరుగుతున్నాయి. సరిగ్గా మధ్యాహ్నం 12 గంటల నుంచి ఈ స్మార్ట్ ఫోన్ ను వినియోగదారులు బుక్ చేసుకునే అవకాశాన్ని కల్పించింది అమెజాన్ సంస్థ.

జూన్‌లో నోకియా 3, నోకియా 5తో పాటు ఈ స్మార్ట్ ఫోన్ ను హెచ్ఎండీ గ్లోబల్ లాంచ్ చేసింది. మిగతా రెండు స్మార్ట్‌ఫోన్లు ఆఫ్‌లైన్‌ స్టోర్లలో విక్రయానికి వచ్చాయి. నోకియా 6పై మాత్రం ఎంతో హైప్ చోటుచేసుకున్న నేపథ్యంలో ఈ ఫోన్ అన్ లైన్ లో మాత్రమే విక్రయానికి పెట్టగ్గా.. ప్రీ బుక్కింగ్స్ లోనే దాదాపు 10 లక్షల మంది ఈ ఫోన్ కావాలని రిజిస్టర్ చేసుకున్నారు. దీంతో ఈ ఫోన్ పై అంచనాలు స్మార్ట్ ఫోన్ ప్రియుల స్తాయికి తగ్గట్టుగా వున్నాయని టాక్. అయితే బ్యాటరీ విషయంలో మాత్రం అంచానాలు తప్పినట్లుగా వార్తలు వస్తున్నాయి.

కాగా, ఈ ఫోన్ లాంచ్ ఆఫర్లను కూడా అమెజాన్ లిస్టు చేసింది. అవేంటో కూడా చూద్దామా..
 
నోకియా 6 ధర 14,999 రూపాయలు.
అమెజాన్‌ ప్రైమ్‌ మెంబర్లకు రూ.1000 డిస్కౌంట్
అమెజాన్‌ పే బ్యాలెన్స్‌. కిండ్లీ బుక్స్‌పై 80 శాతం తగ్గింపు.
మేక్‌మైట్రిప్‌లో రూ.2500 డిస్కౌంట్‌. ఐదు నెలల వ్యవధిలో 45జీబీ ఉచిత డేటా.

 
నోకియా 6 స్పెషిఫికేషన్లు:-

5.5 అంగుళాల హెచ్ డీ ఐపీఎస్ డిస్ ప్లే
స్నాప్ డ్రాగన్ 430 ప్రాసెసర్
3 జీబీ ర్యామ్
32 జీబీ ఇంటర్నల్ స్టోరేజ్ (128జీబీ వరకు ఎక్ట్సెండబుల్ మెమరీ)
డ్యూయల్‌ సిమ్‌
16 ఎంపీ రియర్ కెమెరా
8 ఎంపీ ఫ్రంట్ కెమెరా
ఆండ్రాయిడ్ నోగట్ 7.1.1 ఆపరేటింగ్‌ సిస్టమ్‌
3000ఎంఏహెచ్‌ బ్యాటరీ
కార్నింగ్ గొరిల్లా గ్లాస్ ప్రోటెక్షన్
మేట్‌ బ్లాక్‌, సిల్వర్‌, టాంపర్డ్‌ బ్లూ వేరియంట్లలో లభ్యం