బేసిక్ ఫోన్ ధరకే.. స్ప్రెడ్ ట్రమ్ నుంచి 4జీ ఫీచర్డ్ ఫోన్

Posted: 05/02/2017 07:51 PM IST

Spreadtrum jio promise 4g feature phones at rs1 500

స్మార్ట్‌ఫోన్ అన్నది ఒకప్పుడు సోషల్ స్టేటస్ కానీ ఇప్పుడు అది నిత్యావసర వస్తువుగా మారిపోయింది. దీంతో ప్రతీ ఒక్కరి చేతిలోనూ అది వుండాలన్న సంకల్పంతో పలు కంపెనీలు అత్యంత చౌక ధరలకు దానిని వినియోగ దారులకు అందుబాటులోకి తేవాలని బావిస్తున్నాయి. ఈ నేపథ్యంలో స్మార్ట్ ఫోన్ సామాన్య ప్రజలకు కూడా అందుబాటు ధరలో తీసుకువస్తామని ఇప్పటికే రిలయన్స్ జియో ప్రకటించింది కూడా. అధునాతన ఫీచర్లు కలిగిన ఫోన్లు రూ.10వేలలోపే అందుబాటులోకి తీసుకువస్తామని కూడా ఆ మధ్యకాలంలో వార్తలు వచ్చాయి.

అయితే ఇందుకోసం చైనా కంపెనీతో కూడా చర్చలు జరిగాయని గత జనవరి మాసంలోనే వీటిని తీసుకువస్తామని చెప్పినప్పటికీ.. అది కాస్త అలస్యం అవుతోందని టాక్. ప్రస్తుతం చైనాకు చెందిన మొబైల్‌ చిప్‌ తయారీ సంస్థ స్ప్రెడ్‌ట్రమ్‌ కమ్యూనికేషన్‌ ఈ మేరకు అడుగులు పడుతున్నాయి. బేసిక్ ధరల్లో 4జీ ఫోన్ అందుబాటులోకి తీసుకువచ్చేందుకు ప్రణాళిక రచిస్తోంది. ప్రస్తుతం కొన్ని ఫోన్‌ తయారీ సంస్థలు అందిస్తున్న ధరలకన్నా సగం ధరకే 4జీ సదుపాయంతో పనిచేసే స్మార్ట్‌ఫోన్‌ తీసుకురావాలని యోచిస్తోంది.

రూ.1500లకే 4జీ సదుపాయంతో పనిచేసే ఫీచర్డ్ పోన్ ను తీసుకొచ్చేందుకు కృషి చేస్తున్నామని స్ప్రెడ్‌టర్మ్‌ భారత్‌ ఉన్నతాధికారి నీరజ్‌ శర్మ తెలిపారు. ఇప్పటికే దేశీయ సంస్థలైన లావా, మైక్రోమ్యాక్స్‌లు రూ.3వేల స్థాయిలో 4జీ సదుపాయం కలిగిన ఫోన్లను విక్రయిస్తున్నాయి. కార్బన్‌ కూడా తక్కువ ధరకే స్మార్ట్‌ఫోన్లను అందించాలని యోచిస్తోంది. రిలయన్స్‌ జియో ఇన్ఫోకామ్‌ ప్రధానంగా 4జీ సేవలను అందిస్తోంది. ఈ నేపథ్యంలో జియో కూడా రూ.1500లకే 4జీ స్మార్ట్‌ఫోన్‌ను తీసుకురావాలని ప్రణాళికలు రచిస్తోంది. అయితే ఎప్పటికీ ఈ చౌకదర స్మార్ ఫోన్లు వినియోగదారులకు అందుబాటులోకి వచ్చేనో వేచి చూడాల్సిందే.