మసాజ్ చేయండి.. మెరుగైన సౌందర్యం పొందండి..

Posted: 10/31/2015 03:09 PM IST

Hand massage to get glow skin beauty home remedies healthy foods items

ఉదయం లేచినప్పటి నుంచి రాత్రి పడుకునేవారు ప్రతిఒక్కరూ ఏదో ఒక పనిలో నిమగ్నమైపోతుంటారు. అలా నిరంతరాయంగా పనిచేయడం వల్ల అలసటగా అనిపిస్తుంది. అప్పుడు ఆరోగ్యకరమైన ఫుడ్స్ తీసుకుంటే.. బాడీకి బలం అందినట్లు అనిపిస్తుంది. అలాగే.. రెగ్యులర్ గా పనిచేయడం కారణంగా చర్మం (ముఖం) చాలా డల్ గా, కాంతిహీనంగా మారుతుంది. అలాంటప్పుడు తిరిగి కాంతివంతమైన సౌందర్యం పొందాలంటే.. బ్యూటీ ప్రోడక్ట్స్ వాడకం కంటే మసాజ్ చేయడమే శ్రేయస్కరమని బ్యూటీషియన్లు అంటున్నారు. ఇందుకు ప్రత్యేక విధానాలు అనుసరించాల్సిన అవసరం కూడా లేదు.. చేతివేళ్ళతోనే ముఖానికి మసాజ్ చేస్తే కాంతివంతమైన సౌందర్యం సొంతం చేసుకోవచ్చుని చెబుతున్నారు.

కంటిపై ఎముకభాగం నుండి ముక్కు వరకు, అక్కడి నుండి బుగ్గల ఎముక భాగాల వరకు మీ చేతి వ్రేళ్లతో పైకి కిందకు నెమ్మదిగా మర్దనా చేయాలి. ఐ విధంగా మర్దనా చేస్తూ మాయిశ్చరైజర్‌ను ముఖానికి పట్టించి, మెడ కింది భాగం నుండి గడ్డం వరకు వ్రేళ్లతో మర్దనా చేయాలి. ఇలా చేయడంతో మీ ముఖం కందినట్లు కనిపించినా, ముఖానికి కావలసినంత ఆక్సిజన్ లభిస్తుంది. ప్రతీ రాత్రి మీకు నచ్చిన మాయిశ్చరైజర్‌తో ఐదు నిమిషాల పాటు ముఖంపై నెమ్మదిగా మర్దనా చేయండి. మసాజ్ చేయించుకున్నంత ఫలితం పొందుతారు. ఈ విధంగా రెగ్యులర్ గా మసాజ్ చేసుకుంటే.. చర్మంపై వుండే మడతలు, నల్లని మచ్చలు పూర్తిగా నయం కావడంతోపాటు సౌందర్యం పొందవచ్చు. అంతేకాదు.. ముఖం ఫ్రెష్ గా వున్నట్లు అనిపించడంతోపాట్ నిత్యం యవ్వనంలా కనిపిస్తారు. మిగతా టిప్స్ తో పోల్చుకుంటే.. ఈ మసాజ్ విధానం దివ్యౌషధం లాంటిదని నిపుణులు అంటున్నారు.

మరిన్ని చిట్కాలు :

* సన్ స్క్రీన్‌లు వాడటం మంచిది. కుడి చేయివాటం ఉన్న వారు ఎక్కువగా సన్‌స్క్రీన్‌ లను ఎడమ వైపు పెడుతారని, ఎడమ చేయివాటం వారు కుడి వైపు ఎక్కువ క్రీం పూస్తారని దీంతో ముఖంపై రెండు వైపులా అసమతౌల్యంగా రాయడం జరుగుతుంది. క్రీం వాడేప్పుడు రెండు వైపులా రెండు చేతులతో మార్చి మార్చి రాయడంతో ముఖమంతా సమపాళ్లలో క్రీం పడుతుంది.
* పరిశుభ్రమైన ఆహారంతో మీ చర్మానికి కావలసిన పోషకాలు లభిస్తాయి. తీసుకునే ఆహారంతో ముఖంపై మొటిమలు, మచ్చలు ఏర్పడకుండా కాపాడుకోవచ్చు. తరచుగా చేపలతో కూడిన ఆహరం తీసుకోవడం వల్ల చర్మానికి మంచి పోషణ అందించవచ్చు.
* ముడతలు లేని చర్మం కావాలంటే.. నిద్రించేప్పుడు ముఖం వైపు పైకి ఉండేలా నిద్రించండి. పక్కకు, బోర్లా పడుకునే వారికి ఎక్కువగా చర్మంపై ముడతలు త్వరగా ఏర్పడుతాయి.