మృదువైన పాదాలకు అనువైన ఇంటి చిట్కాలు..

Posted: 09/10/2015 03:02 PM IST

Home remedies for soften feet beauty tips

మృదువైన పాదాలు పొందాలంటే.. ఈ క్రింది చిట్కాలను తరుచూ పాటిస్తే ఫలితం వుంటుందని ఆరోగ్య నిపుణులు అంటున్నారు.

* ఒక టబ్‌లో గోరువెచ్చని నీళ్లు తీసుకుని.. అందులో అందులో నిమ్మరసం, ఉప్పు, రోజ్ వాటర్, క్లీన్సర్ తదితరాలు చేర్చాలి. అప్పుడు పాదాలను అందులో ఉంచాలి. కాసేపయ్యాక గరుకు రాయితో రుద్దేస్తే పాదాల పగుళ్లు దూరమవుతాయి. ఇలా రాత్రి నిద్రించే ముందు చేస్తే పగుళ్లకు చెక్ పెట్టవచ్చు.

* రాత్రిపూట నిద్రించే ముందు కాళ్లను శుభ్రంగా కడుక్కుని వెనక పాదంలో వెజ్ ఆయిల్‌తో కాసేపు మసాజ్ చేసి సాక్స్ తొడుక్కోవాలి. మార్నింగ్ పాదాలను శుభ్రం చేసుకోవాలి. ఇలా చేస్తే పగుళ్లు లేని మృదువైన పాదాలు సొంతమవుతాయి.

* గోరువెచ్చని నీటిలో పాదాలను 15 నిమిషాల పాటు నానబెట్టాలి. తర్వాత నిమ్మరసం, వాస్లిన్ కలిపిన మిశ్రమంతో కాళ్లను శుభ్రం చేయాలి. తర్వాత కాళ్లను కడిగేస్తే పగుళ్ల నుంచి ఉపశమనం లభిస్తుంది.

* ఒక టీస్పూన్ ఓట్స్ పేస్టులో ఆయిల్ చేర్చి పాదాలకు అప్లై చేస్తే పగుళ్లు నయం అవుతాయి. రాత్రిపూట నువ్వుల నూనెతో మసాజ్ చేస్తే డ్రై పాదాలు, పాదాల పగుళ్లు మటాష్ అవుతాయి.

* తేనె యాంటీ బ్యాక్టీరియల్‌గా పనిచేయడంతో తేనెను గోరువెచ్చని నీటితో కలపాలి. ఈ నీటిలో కాళ్లను పది నిమిషాల పాటు ఉంచి తర్వాత పాదాలను స్క్రబ్ చేస్తే సరిపోతుంది.

* పచ్చ పసుపు పొడి, కరివేపాకును చేర్చి రుబ్బుకుని వరుసగా మూడు రోజుల పాటు అప్లై చేస్తే పాదాలను సౌందర్యంగా ఉంచకోవచ్చు.

* అరటి పండు గుజ్జును పాదాలకు అప్లై చేసి పది నిమిషాలు అలాగే ఉంచి తర్వాత కడిగేస్తే పాదాలు కోమలంగా తయారవుతాయి.

* ఆలివ్ ఆయిల్‌ను కాటన్‌లో ముంచి పగుళ్లున్న ప్రాంతానికి పట్టించి మసాజ్ చేస్తే మంచి ఫలితం ఉంటుంది.