పాలమీగడతో మృదువైన ముఖచర్మం..

Posted: 09/07/2015 03:08 PM IST

చర్మసౌందర్యాన్ని మెరుగుపరిచే రెమెడీల్లో పాలమీగడ ఒకటి. ఇందులో.. చర్మానికి అవసరమయ్యే పోషకాలు పుష్కలంగా లభ్యమవుతాయి. అందులో కొన్ని చర్మాన్ని ఆరోగ్యంగా వుంచడంలో ప్రముఖపాత్ర పోషిస్తే.. మరికొన్ని దాని అందాన్ని పెంచడంలో నిమగ్నమవుతాయని నిపుణులు పరిశోధనల ద్వారా వెల్లడిస్తున్నారు. అందుకే.. చర్మసౌందర్యాన్ని పెంపొందించుకోవాలంటే ఇతర బ్యూటీ ప్రొడక్ట్స్ వాడటం కంటే పాలమీగడ ఉపయోగిస్తే ఎంతో శ్రేయస్కరమని సూచిస్తున్నారు. అంతేకాదు.. వాతావరణం కాలుష్యం కారణంగా ముఖంపై మృదువుతనం కోల్పోతుంది. దాన్ని తిరిగి పొందాలంటే పాల మీగడ బాగా ఉపకరిస్తుందని చెబుతున్నారు.

రాత్రిళ్లు పడుకోబోయే ముందు ముఖానికి కొద్దిగా పాలమీగడను రాసుకుని, బాగా మర్దన చేయాలి. అలానే పడుకునే తర్వాత రోజు ఉదయం కడిగేసుకోవాలి. ఇలా కొన్ని రోజులు చేయడం వల్ల ముఖంపై చర్మం మృదువుగా, ఆరోగ్యంగా తయారవుతుంది. అదే విధంగా కొద్దిగా ఆలివ్ నూనెను, రాసుకుని మర్దన చేస్తున్నా.. మరుసటి రోజుకు ముఖం తాజాగా, కోమలంగా కనిపిస్తుంది. కొందరికి పొద్దున్నే నిద్రలేవగానే ముఖం ఉబ్బినట్టుగా ఉంటుంది. ఆ సమస్యను తగ్గించుకోవాలంటే రాత్రి పూట తీసుకునే భోజనంలో ఉప్పు శాతం తక్కువగా ఉండేలా చూసుకోవాలి. రాత్రి పడుకునే ముందు ముఖాన్ని శుభ్రం చేసుకోవడం తప్పనిసరి. ముఖ్యంగా ముఖానికీ, కంటి భాగంలో ఏదైనా మేకప్ వేసుకుంటే దాన్ని తప్పనిసరిగా తొలగించుకోవాలి. తరువాత కొద్దిగా మాయిశ్చరైజర్‌ని ముఖానికి రాసుకోవాలి. ముఖం కడుక్కున్న వెంటనే రాసుకోవడం వల్ల చర్మం ఆరోగ్యంగా ఉంటుంది.

పైన చెప్పబడిన రెమెడీలను రెగ్యులర్ గా పాటిస్తే.. చర్మసౌందర్యాన్ని త్వరగా పొందవచ్చు. వాటన్నింటిలో పాలమీగడ రెమెడీ ఎంతో శ్రేయస్కరం. దానివల్ల ఎటువంటి సైడ్ ఎఫెక్ట్స్ రావు. పైగా చర్మం ఎంతో కోమలంగా, సాఫ్ట్ గా, తయారవుతుంది. ఫలితంగా చూడముచ్చటగా, ఎంతో అందంగా కనువిందు చేస్తారు.