అందాన్ని మెరుగుపరిచే సుగంధ చిట్కాలు

Posted: 09/04/2015 12:52 PM IST

Home beauty remedies health benefits best food items

పోషకాహారలోపం, వాతావరణ కాలుష్య ప్రభావం వల్ల అందానికి సంబంధించిన సమస్యలు ఎక్కువవుతున్నాయి. చర్మం పొడిబారిపోవడం, జుట్టు రాలిపోవడం తదితర ఇబ్బందులు ప్రతిఒక్కరినీ వెంటాడుతున్నాయి. ఇటువంటి సమస్యల నుంచి వెంటనే ఉపశమనం పొందాలంటే కొన్ని సాధారణ ఇంటి చిట్కాలు పాటిస్తే చాలు. వెంటనే పరిష్కారం అందుతుంది. మరి.. ఆ చిట్కాలేంటో తెలుసుకుందామా..

* గంధం : గంధాన్ని ఎండాకాలంలో నలుగులో కలిపి రుద్దుకుంటే చర్మం మృదువుగా దుర్గంధరహితంగా ఉంటుంది. గంధం నుంచి తీసిన నూనెను, నీళ్లలో 5-6 చుక్కలు వేసి స్నానం చేస్తే శరీర బడలిక తగ్గుతుంది. ఈ గంధంతో ఆరోగ్య ప్రయోజనాలు కూడా కలుగుతాయి. ఈ తైలాన్ని నూనెలో కలిపి వత్తిగా చేసి దీపం పెట్టినా, దీనితో చేసిన అగరు వత్తి వెలిగించినా మానసిక ఒత్తిడి తగ్గుతుంది. గంధం అరగదీసి అరచెంచాడు పేస్ట్‌ను నీళ్లలో కలిపి తీసుకుంటే మూత్రంలో మంట, శరీరంలో ఆవిర్లు, మంటలు, పిత్త వికారాలు తగ్గుతాయి.

* ఈ రోజుల్లో ప్రతిఒక్కరూ ఎదుర్కొనే ఆరోగ్య సమస్యల్లో ముఖ్యమైంది జుట్టు రావడం. ఇది కేవలం వాతావరణ కాలుష్యం వల్ల మాత్రమే రాదు.. శారీరక, మానసిక సమస్యలు ఏర్పడితే కూడా జుట్టు రాలిపోతుంది. ప్రతి రోజూ అల్లం టీ క్రమం తప్పకుండా తాగితే మాడుకు రక్త ప్రసరణ బాగా జరుగుతుంది. దాంతో జుట్టు రాలే సమస్య తగ్గుతుంది.

* ముఖం మీద మొటిమలతో బాధపడే వారు రోజూ నిద్రపోయే ముందు టేబుల్ స్పూన్ నిమ్మరసంలో టీ స్పూన్ దాల్చిన చెక్క పొడి కలిపి ముఖానికి రాసుకోవాలని. ఉదయాన్నే గోరువెచ్చటి నీటితో ముఖాన్ని కడిగేస్తే మంచి ఫలితం ఉంటుంది.

* కొందరి బుగ్గలు లోపలికి నొక్కుకుపోయి ఉంటాయి. అలాంటివారు బుగ్గలు లావుగా అవ్వాలంటే ప్రతిరోజూ వెల్లుల్లిని నువ్వులనూనెతో తీసుకుంటే చాలు. నెల రోజుల్లో మంచి ఫలితం కనిపిస్తుంది.