అల్లం రసంతో మొటిమలకు చెక్

Posted: 08/21/2015 02:54 PM IST

వయస్సు పెరుగుతున్న కొద్దీ హార్మోన్ల మార్పిడి వల్ల శరీరంలో ఎన్నోరకాల మార్పులు చోటు చేసుకుంటాయి. అలాగే అందం విషయంలోనూ చాలా మార్పులు వస్తాయి. ముఖ్యంగా యుక్త వయస్సు వచ్చిందంటే చాలు.. హార్మోన్ల మార్పు వలన అబ్బాయిలు, అమ్మాయిలు అనే తేడా లేకుండా అందరికీ ముఖంపై మొటిమలు వస్తుంటాయి. అదే సమయంలో కాలుష్య వాతావరణ ప్రభావం వల్ల మరిన్ని సమస్యలు తలెత్తుతాయి. నల్లని మచ్చలు ఏర్పడటం, కంటికింద నల్లని వలయాలు, ఇంకా రకరకాల సౌందర్య ఇబ్బందుల్ని ఎదుర్కోవలసి వస్తుంది. వీటన్నికంటే పెద్ద సమస్య ఏమిటంటే... మొటిమలు. వాటిని తగ్గించుకునేందుకు నానా రకాల ఇబ్బందులు పడుతుంటారు.

ముఖ్యంగా అమ్మాయిలు ఈ మొటిమల కారణంగా తీవ్ర మనోవేదనకు గురవుతుంటారు. తమ అందాన్ని విహీనం చేసే ఈ మొటిమల్ని తొలగించాలని రకరకాలుగా ప్రయత్నాలు చేస్తారు. నచ్చిన బ్యూటీ ప్రోడక్ట్ రాసుకోవడం, బ్యూటీపార్లర్లకు వెళ్లడం, ఇంటి చిట్కాలు పట్టించుకోవడం.. ఇలా రెగ్యులర్ గా చేస్తూనే వుంటారు. ఇన్ని పద్ధతులు అవలంభించినప్పటికీ మొటిమలు పైపైనే తొలగిపోతాయి తప్ప.. వాటి మచ్చలు అలాగే వుండిపోతాయి. అలాంటప్పుడు ఈ విధమైన మొటిమల సమస్య నుంచి బయటపడాలంటే.. వంటింట్లో ఉండే వస్తువులతోనే ఉపశమనం పొందవచ్చు. ప్రతి రోజూ ఉదయం ఒక గ్లాసు అల్లం రసాన్ని తాగితే అది ముఖంపై మొటిమలను దూరం చేస్తుంది. అంతేకాదు, ఆ రసాన్ని మాడుకు రాసుకుంటే రక్త ప్రసరణ బాగా జరగడంతో తలలో చుండ్రు మాయమవుతుంది.