మొండి మొటిమలను నివారించే ఇంటి చిట్కాలు

Posted: 07/11/2015 12:28 PM IST

సాధారణంగా మొటిమలు రావడం సహజమే కానీ.. కొన్ని మాత్రం మొండిగా తయారై ముఖంమీద తిష్టవేసి కూర్చుంటాయి. వాటిని నివారించేందుకు ఎన్ని బ్యూటీ ప్రోడక్ట్స్ వాడినప్పటికీ ఏమాత్రం ప్రయోజనం వుండదు. అలాంటి మొటిమల్ని పూర్తిగా నివారించాలంటే.. అందుకు అనుకూలంగా కొన్ని ఇంటిచిట్కాలను పాటిస్తే చాలు. ఆ రెమెడీలు వాటిపై ఎఫెక్టివ్ గా పనిచేసి పూర్తిగా నివారించడమే కాకుండా చర్మసౌందర్యాన్ని పెంపొందిస్తాయి. మరి.. ఆ చిట్కాలేంటో తెలుసుకుందామా..

* టూత్ పేస్ట్ : మొటిమల మీద అప్లై చేసిన తర్వాత డ్రై అయ్యే వరకూ అలాగే వుంచుకోవాలి. డ్రై అయిన తర్వాత మరోసారి టూత్ పేస్ట్ ని మొటిమలపై రాసి.. రాత్రంతా అలాగే వుచి కాసేపైన తర్వాత కాటన్ బట్టతో తుడిచేయాలి. ఇలా ప్రతిరోజూ చేస్తే.. త్వరలోనే మంచి ఫలితాన్ని గమనించవచ్చు.

* అలోవెర : మొటిమలను నివారించడడంలో ఇదో ఎఫెక్టివ్ రెమెడీ. ముందుగా ముఖం శుభ్రంగా కడిగి.. తడి పూర్తిగా ఆరినివ్వాలి. ఆ తర్వాత కలబంద రసాన్ని ముఖానికి, మొటిమల మీద అప్లై చేసి డ్రై అయ్యేవరకు అలాగు వుంచుకోవాలి. అనంతరం రోజ్ వాటర్ తో ముఖం తుడిచేయాలి.

* పసుపు : ఒక బౌల్లో ఒక టేబుల్ స్పూన్ పసుపు, ఒక చెంచా పాలు వేసి బాగా మిక్స్ చేయాలి. ఈ పేస్ట్ ను మొండి మొటిమల మీద అప్లై చేయాలి. కాసేపు ఉంచుకున్న తర్వాత శుభ్రంగా కడిగేసుకోవాలి. వారానికోసారి చెప్పున నాలుగువారాలపాటు చేస్తే.. మంచి ఫలితం ఉంటుంది.

* బాదం : బాదంను మిక్సీలో వేసి మెత్తగా, పొడిగా చేసుకోవాలి. ఈ పొడిలో రెండు చెంచాలా పాలు మిక్స్ చేసి. క్రీమ్ లా తయారుచేసుకోవాలి. ఈ క్రీమ్ మిశ్రమాన్ని మొండి మొటిమల మీద అప్లై చేయాలి. బాగా డ్రై అయిన తర్వాత గోరువెచ్చని నీరుతో ముఖం శుభ్రం చేసుకోవాలి.

* నిమ్మ-తేనె : ఒక బౌల్లో తేనె, రెండు చుక్కల నిమ్మరసం వేసి బాగా మిక్స్ చేసుకోవాలి. ఈ మిశ్రమాన్ని మొటిమల మీద అప్లై చేయాలి. డ్రై అయిన తర్వాత తిరిగి మరోసారి అప్లై చేయాలి. అరగంట బాగా ఆరనిచ్చిన తర్వాత గోరువెచ్చని నీటితో శుభ్రం చేసుకుంటే సరిపోతుంది.