ముఖవర్ఛస్సుకు మేటి ఆకుల చిట్కాలు

Posted: 07/06/2015 01:10 PM IST

ముఖవర్ఛస్సును మెరుగుపరిచే సహజ ఔషధాల్లో ‘ఆకులు’ ఎంతో ఉత్తమమైనవి. సాధారణ బ్యూటీ ప్రోడక్ట్స్ కంటే ఇవి మెరుగైన సౌందర్యాన్ని అందించడంతోపాటు చర్మానికి సహజత్వాన్ని అందిస్తాయి. చర్మాన్ని ఎంతో మృదువుగా, సాఫ్ట్ గా వుండేలా ఇవి చేస్తాయి. వీటిలో వుండే పోషకాలు నేరుగా ప్రభావం చూపడంతో చర్మ ఆరోగ్యం కూడా మెరుగుపడుతుంది. అలా చర్మ ఆరోగ్య సంరక్షణతోపాటు అందాన్ని అందించే ఆ ఆకులేంటో తెలుసుకుందామా..

* పుదీనా : ఈ ఆకులతోపాటు తులసి ఆకులను నీటిలో వేసి కొద్దిసేపు మరగించాలి. ఆ నీటిలో కొద్దిగా తేనె మిక్స్ చేసి ముఖానికి అప్లై చేయాలి. 20 నిముషాలవరకు అలాగే వుంచుకున్న తర్వాత శుభ్రం చేసుకోవాలి. ఇలా ప్రతిరోజూ చేస్తే.. చర్మ రంద్రాలతోపాటు ముఖం శుభ్రంగా తయారవుతుంది. చర్మంపై వుండే మలినాలు పూర్తిగా దూరమవుతాయి.

* వేప : ఇది యాంటీ బ్యాక్టీరియా గుణాలను కలిగివుండటం వల్ల.. మొటిమలు, తామర, సోరియాసిస్, చుండ్రు వంటి వాటికి వ్యతిరేఖంగా పని చేస్తుంది. అలాగే చక్కటి, ఆరోగ్యకర ముఖఛాయను అందిస్తుంది. వేపాకులను నీటిలో మరిగించి.. ఆ నీటితో వారానికొకసారి స్నానం చేయడం మంచిది. ఇది చర్మాన్ని చల్లగా మార్చి.. స్కిన్ కాంప్లెక్షన్ ను మెరుగుపరుస్తుంది.

* తులసీ : వాతావరణ కాలుష్యాల వల్ల ముఖవర్ఛస్సు పూర్తిగా దెబ్బతింటుంది. అలాంటప్పుడు ముఖఛాయను మెరుగుపర్చుకోవాలంటే.. తులసీ ఆకులు సమర్థవంతంగా పనిచేస్తాయి. తులసీ ఆకులతో చేసిన టీతో కడిగి, తరువాత గోరువెచ్చని నీటితో కడిగి వేయండి. చర్మాన్ని నిర్విషీకరణకు గురి చేసి, ముఖ ఛాయను మెరుగుపరుస్తుంది.

* కరివేపాకు : గుప్పెడు కరివేపాకును నీటిలో వేసి చిటికెడు పసుపు మిక్స్ చేసి నీటిలో వేసి బాగా మరిగించాలి. తర్వాత ఆ నీటితో ముఖాన్ని శుభ్రం చేసుకోవాలి. ఇలా ప్రతిరోజూ చేసుకుంటే.. ముఖం మీద వుండే డార్క్ స్పాట్స్ పూర్తిగా నివారించబడుతాయి. అలాగే.. మొటిమలు పూర్తిగా తగ్గి.. ముఖవర్ఛస్సు పెరుగుతుంది.

* కొత్తిమీర : ఇది డ్రై స్కిన్ నివారించండంలో సహాయపడుతుంది. గుప్పెడు కొత్తిమీరను మెత్తగా పేస్ట్ చేసి అందులో కొద్దిగా తేనె, నిమ్మరసం మిక్స్ చేసుకోవాలి. ఈ మిశ్రమాన్ని డ్రై స్కిన్ కు అప్లై చేయాలి. ఇలా వారంలో రెండుమూడు సార్లు చేస్తే మంచి ఫలితం ఉంటుంది.