టమోటా, మ్యాంగో, పాలు.. చర్మానికి ఉత్తమ రెమెడీలు

Posted: 06/06/2015 02:55 PM IST

Skin beauty tips tomato mango milk home remedies

చర్మసౌందర్యాన్ని మెరుగుపర్చడంలో టమోటా, మ్యాంగో, పాలు సమర్థవంతంగా పనిచేస్తాయని బ్యూటీషియన్లు చెబుతున్నారు. చర్మసౌందర్యాన్ని పెంపొందించే పోషక విలువలు ఈ మూడింటింలో పుష్కలంగా వుంటాయి. అందుకే వీటిని ఉత్తమమైన రెమెడీలుగా పేర్కొంటున్నారు. మరి.. ఈ మూడింటితో కలిగే సౌందర్య ప్రయోజనాలేంటో తెలుసుకుందామా...

* రోజూ ఓ గ్లాసు టమోటా జ్యూస్‌తో చర్మ సౌందర్యాన్ని మెరుగుపరుచుకోవచ్చని బ్యూటీషియన్లు అంటున్నారు. ఎందుకంటే చర్మసౌందర్యానికి అవసరమయ్యే కొల్లాజిన్ ఉత్పత్తికి సహాయపడే విటమిన్ సి టమోటోల్లో పుష్కలంగా వుంటుంది. అలాగే వీటిలోని బెర్రీస్‌ కూడా చర్మ సౌందర్యానికి ఎంతగానో తోడ్పడుతాయి. వీటిలోపాటు యాంటీ ఆక్సిడెంట్స్ కూడా పుష్కలంగా ఉన్నాయి. ఇవి స్కిన్ డ్యామేజ్‌ను నివారిస్తాయి. చర్మాన్ని కాంతివంతంగా, మృదువుగా మార్చడంలో సమర్థవంతంగా పనిచేస్తాయి.

* పచ్చిమామిడికాయ పేస్ట్ లేదా బాగా పండిన మామిడి పండ్ల గుజ్జులో కొద్దిగా తేనె మిక్స్ చేసి ముఖానికి అప్లై చేసి, 20నిముషాల తర్వాత శుభ్రం చేసుకోవడం ద్వారా చర్మానికి తగినంత మాయిశ్చరైజర్ అందుతుంది. ఇంకా అవసరం అయితే అందులో కొద్దిగా బాదం ఆయిల్ కూడా మిక్స్ చేయవచ్చు. ఇలా చేయడం వల్ల మృదువైన చర్మాన్ని సొంతం చేసుకోవచ్చు. బాగా పండిన మామిడిపండ్ల గుజ్జు తీసుకొని అందులో కొద్దిగా క్లే లేదా ఓట్స్, తేనె, పాలు వేసి మిక్స్ చేయాలి. ఈ పేస్ట్‌ను ముఖానికి పట్టించి, తడి ఆరిన తర్వాత గోరువెచ్చని నీటితో శుభ్రం చేసుకోవాలి.

* ప్రతిరోజూ ఉదయం చల్లటి పాలతో ముఖాన్ని శుభ్రం చేసుకోవాలి. ముఖం మీద పాలు చిలకరించి చేత్తో బాగా సున్నితంగా మసాజ్ చేయాలి. ఇలా రెండు వారాల పాటు క్రమం తప్పకుండా చేస్తుంటే ముఖం మెరిసిపోతుంది. అలాగే చీజ్‌తో కూడా మెరిసే సౌందర్యాన్ని పొందవచ్చు. చీజ్‌ను తురిమి, మెత్తగా చేయాలి. ఇలా మెత్తగా అయిన చీజ్‌ను ముఖం, మెడకు అప్లై చేసి 10 నిముషాల తర్వాత గోరువెచ్చని నీటితో శుభ్రం చేసుకోవాలి. ఇలా చేస్తే నల్లటి మరకలు తొలగిపోతాయి.

* ఇక చర్మ సౌందర్యానికి శెనగపిండి బెస్ట్‌గా పనిచేస్తుంది. శెనగపిండి, రోజ్ వాటర్ రెండు మిక్స్ చేసి ముఖానికి పట్టిస్తుంటే 4 వారాల్లో మంచి ఫలితం కనిపిస్తుంది. బాదం పేస్టు కూడా చర్మాన్ని కాంతివంతంగా చేస్తుంది. బాదంలో విటమిన్ ఇ పుష్కలంగా ఉంది ఇది ముఖాన్ని కాంతివంతంగా మార్చుతుంది. అంతే కాకుండా ఇది ముఖంలో మచ్చలు, మెటిమలను మాయం చేస్తుందని బ్యూటీషన్లు అంటున్నారు.