డైట్ లో తేనె చేర్చుకోండి.. నిత్యయవ్వనంగా వుండండి..

Posted: 03/25/2015 09:14 PM IST

మారుతున్న వాతావరణ పరిస్థితులకు అనుగుణంగా మానవ శరీరంలోనూ మార్పులు వస్తాయి. కాలక్రమంలో చర్మసౌందర్యం తగ్గిపోవడం, శరీరం బరువు పెరగడం, తక్కువ వయస్సులోనే ముసలివారిలాగే కనిపించడం వంటి లక్షణాలు కనిపిస్తాయి. అలాకాకుండా నిత్యం యవ్వనంగా కనిపించేలా వుండాలనుకుంటున్నారా..? అందుకు సింపుల్ టిప్స్ అందుబాటులో వున్నాయి.

రోజువారీ డైట్‌లో కొద్దిపాటి తేనెను చేర్చుకంటే.. నిత్యం యవ్వనంగా వుండవచ్చునని ఆరోగ్య నిపుణులు  అంటున్నారు. ఎందుకంటే.. తేనెలో మెగ్నీషియం, క్యాల్షియం, క్లోరిన్, పొటాషియం, ఫాస్పరస్, అల్యూమినియం వంటి ఖనిజాలు, పోషకాలు ఎక్కువ మోతాదులో నిల్వవుంటాయి. ఇవి శరీర బరువును అదుపులో వుంచడం, చర్మసౌందర్యాన్ని మెరుగుపర్చడం, వయసు పెరుగుతున్నాకూడా ముసలివారిలాగా కనిపించకుండా చేసేలా సహాయపడుతాయి. అంతేకాదు.. ఈ తేనెలో మరెన్నో ఆరోగ్య ప్రయోజనాలు కలుగుతాయి. అవేమిటో తెలుసుకుందాం...

తేనెలోని ఆరోగ్య ప్రయోజనాలు:
1. తేనె ఆరోగ్యానికి ఎంతో మేలు చేస్తుంది. తేనెను వేడినీటిలో కలుపుకుని తాగితే బరువు తగ్గుతుంది. శరీరం దృఢమవుతుంది.
2. తేనెలో నిమ్మరసం కలుపుకుని తాగినే వేవిళ్లు, జలుబు, తలనొప్పి దూరమవుతుంది.
3. తేనెలో ఉల్లిరసం కలుపుకుని తాగితే కంటి దృష్టి మెరుగవుతుంది.
4 తేనె, కోడిగుడ్డు, పాలు కలుపుకుని తాగితే ఆస్తమా వంటి సమస్యల నుంచి తప్పించుకోవచ్చు.
5. రక్తహీనతకు చెక్ పెట్టాలంటే పాలలో తేనె కలుపుకుని తాగితే ఫలితం ఉంటుంది.
6. ఒక గ్లాసుడు వేడి నీటిలో ఒక టీ స్పూన్ తేనె కలుపుకుని అందులో సగం పండు నిమ్మరసం చేర్చి  రోజూ తీసుకుంటే ఎప్పుడూ చురుకుదనం చేకూరుతుంది. ఈ మిశ్రమాన్ని పరగడుపున, నిద్రించేముందు తీసుకుంటే ఆరోగ్యానికి చాలా మంచిది. అల్సర్‌తో బాధపడేవారు రోజూ ఒక రెండు టీ స్పూన్లు తీసుకుంటే ఉపశమనం లభిస్తుంది.