ముఖవర్ఛస్సును పెంచే బ్యూటీ ప్యాక్స్..

Posted: 03/09/2015 04:45 PM IST

ఉదయం నుంచి సాయంత్రం వరకు ఇంటి, బయటపనులు నిర్వర్తించుకోవడం వల్ల ముఖవర్ఛస్సు తగ్గిపోతుంది. నల్లగా మారినట్లు, ముఖంపై మచ్చలు ఏర్పడినట్లు, నల్లని ఛారలు వచ్చినట్లు.. ఇలా రకరకాల లక్షణాలు ఏర్పడి, అందవిహీనంగా కనిపించేలా చేస్తాయి. అలాగే.. చర్మం పొడిబారిపోయి ముసలివారిలా కనిపించడం, చర్మం మృదువు లక్షణాలు కోల్పోవడం వంటి లోపాలు కనిపిస్తాయి. అలాంటప్పుడు వీటిని దూరం చేసుకోవాలంటే బ్యూటీ ప్రొడక్ట్స్ కాకుండా కొన్ని పదార్థాలతో బ్యూటీ ప్యాక్స్ చేసుకోని ముఖానికి పట్టిస్తే.. ఫలితం పొందవచ్చు. మరి.. అవేమిటో తెలుసుకుందామా...

1. పాలమీగడ : పాల మీద పేరుకున్న మీగడను ముఖానికి పూసుకుని పది నిమిషాలపాటు వేళ్లతో మసాజ్ చేయాలి. తర్వాత గోరువెచ్చని నీళ్లతో జిడ్డు వదిలేవరకు కడిగి తర్వాత చల్ల నీళ్లతో కడిగేయాలి. ఇలా చేయడం ద్వారా చర్మం మృదువుగా వుంటుంది. అలాగే పొడిబారిన చర్మం తేమగా మారుతుంది.

2. అలోవేరా గుజ్జు : ఈ గుజ్జులో ఒక టీ స్పూన్ తేనె వేసి కలుపుకోవాలి. ఈ మిశ్రమాన్ని ముఖానికి అప్లై చేసి.. పూర్తిగా ఆరేంతవరకు అలాగే వుంచుకోవాలి. పూర్తిగా ఆరిన తర్వాత గోరువెచ్చని నీటితో కడిగేసుకోవాలి. ఇలా చేస్తే.. చర్మసమస్యలు దూరం కావడంతో పాటు ఫేస్ క్లియర్‌గా ఉంటుంది.

3. తేనె : ఒక బౌల్ లో ఒక టీ స్పూన్ రోజ్ వాటర్, రెండు టీ స్పూన్ల తేనె వేసి బాగా కలుపుకోవాలి. ఈ మిశ్రమాన్ని ముఖానికి పూసుకుని పది నిమిషాల తర్వాత చల్లని నీటితో కడిగేయాలి. ఇలా చేస్తే చర్మం నునుపుగా మారుతుంది.

4. బొప్పాయి గుజ్జు : ఈ గుజ్జును ముఖానికి పట్టించి పది నిమిషాల వరకు అలాగే వుండనివ్వాలి. కాసేపు తర్వాత మంచినీటితో కడిగేస్తే ముఖచర్మం మృదువుగా తయారవుతుంది.