కీరదోసతో మృదువైన చర్మం...

Posted: 02/25/2015 04:18 PM IST

మారుతున్న వాతావరణ పరిస్థితులకు అనుగుణంగా చర్మసౌందర్యం కూడా మారుతుంటుంది. అంటే.. చర్మం పొడిబారడం, మొటిమలు ఎక్కువగా రావడం, ముఖంపై ముడతలు రావడం, తక్కువ వయస్సులోనే ముసలితనం వచ్చినట్లుగా కనిపించడం... ఇలా రకరకాల సమస్యలు వస్తుంటాయి. వీటిని చెక్ పెట్టేందుకు బ్యూటీ ప్రోడక్ట్స్ వున్నాయి కానీ.. వాటి వల్ల చర్మం సహజత్వం కోల్పోతుంది. అలాంటప్పుడు చర్మసౌందర్యాన్ని పెంపొందించే పోషకాలు కలిగిన పదార్థాల ద్వారా రెమెడీలను తయారుచేసుకుని పట్టిస్తే.. మంచి ఫలితాలు పొందవచ్చు.

ముఖ్యంగా మృదువైన చర్మాన్ని పొందాలంటే బ్యూటీ ప్రోడక్ట్స్ వాడకం కంటే ప్రకృతిలో లభించే కొన్ని పదార్థాలే ఎంతో శ్రేయస్కరం. అటువంటి వాటిలో కీరదోస ఎంతో ముఖ్యమైంది. కీరదోస రసం చర్మాన్ని మృదువుగా మార్చడంతోపాటు మెడ నలుపును తగ్గించడంలో ప్రముఖపాత్ర వహిస్తుంది. ఈ కీరదోస రసాన్ని లేదా గుజ్జును మెడకు రాసుకుని, నెమ్మదిగా మర్దన చేసుకోవాలి. అనంతరం గులాబీ నీటితో తుడిచేసుకుంటే చాలు. ఇలా వారానికి ఒకసారి చేసుకుంటే.. మెడకింద నలుపు తగ్గి, చర్మం మృదువుగా మారుతుంది.

అలాగే బంగాళాదుంపతోనూ ఇదే ఫలితాన్ని పొందవచ్చు. బంగాళదుంప ముక్కను తీసుకుని మెడ చుట్టూ రుద్దుకుంటే చాలు. అలా కాకపోయిన దాని రసం రాసుకున్నా ఫలితం ఉంటుంది. ఇక నిమ్మరసంతో పాటు గులాబీనీటిని సమపాళ్లలో తీసుకుని రెండింటినీ కలపాలి. ఈ మిశ్రమాన్ని రాత్రిళ్లు మెడకు రాసుకుని మర్నాడు కడిగేయాలి. ఇలా కొన్నిరోజులు చేస్తే నలుపు తగ్గి, చర్మం సహజ రంగులోకి వస్తుంది.