పొడిబారిన చర్మానికి బ్యూటీ టిప్స్

Posted: 02/19/2015 08:18 PM IST

మారుతున్న వాతావరణ పరిస్థితులకు అనుగుణంగా చర్మసౌందర్యంలో మార్పు చోటు చేసుకుంటుంటుంది. చలికాలంలో చర్మం పొడిగా మారడం, ఎండాకాలంలో రఫ్ గా మారడం.. ఇలా ఒక్కొక్కసారి ఒక్కొక్కవిధమైన సమస్యలు వస్తుంటాయి. ఇటువంటి ఇబ్బందులను అధిగమించడానికి బ్యూటీ ప్రొడక్ట్స్ ను ఉపయోగించడం కంటే.. సాధారణంగా ఇంట్లోనే హోమ్ రెమెడీస్ తయారుచేసుకుని నివారించుకోవచ్చు. తద్వారా చర్మం తాజాగా, మృదువుగా, సౌందర్యవంతంగా మారుతుంది. అంతేకాదు.. చర్మం సహజత్వంగా వుంటుంది.

పొడిబారిన చర్మాన్ని నివారించేందుకు కొన్ని హోమ్ రెమెడీస్ అందుబాటులో వున్నాయి. వాటిని సమయానుకూలంగా చర్మానికి పట్టిస్తే.. చర్మం తిరిగి తాజాగా మారుతుంది. మరి.. ఆ బ్యూటీ టిప్స్ ఏంటో తెలుసుకుందామా...

1. ఒక చిన్న పాత్ర తీసుకుని అందులో కమలాఫలం రసం వేయాలి. ఆ రసంలో కాస్త ఆలివ్ వేసి బాగా కలుపుకోవాలి. ఈ మిశ్రమాన్ని చర్మానికి రాసుకుని, అలాగే కొద్దిసేపటివరకు వుండాలి. అనంతరం గోరువెచ్చని నీటితో కడిగేసుకోవాలి. ఇలా చే్తే.. చర్మం తాజాగా కనిపిస్తుంది.

2. ఒక గిన్నెలో రెండు టేబుల్ స్పూన్ల గులాబీరేకుల పొడి వేసి, అందులో ఒక చెందా బాదం నూనె, ఒక చెంచా కమలాఫలం రసం వేసి మిక్స్ చేయాలి. ఈ మిశ్రమాన్ని ముఖానిరి రాసుకోవాలి. అది పూర్తిగా ఆరిపోయిన తర్వాత శుభ్రం చేసుకోవాలి. ఇలా చేస్తే.. మృతకణాలు, బ్లాక్ హెడ్స్ వంటి సమస్యలు తొలగిపోతాయి.

3. కొద్దిగా కమలాఫలం రసాన్ని తీసుకుని అందులో చెంచా తేనె, పచ్చిపాలూ, కోడిగుడ్డులోని తెల్లసొన వేసి బాగా కలుపుకోవాలి. ఈ మిశ్రమాన్ని చర్మానికి రాసి, పదినిముషాలపాటు ఆరనివ్వాలి. తర్వాత సబ్బులేకుండా స్నానం చేయాలి. ఇలా చేస్తే.. చర్మం తాజాగా, సౌందర్యవంతంగా మారుతుంది.