పెరుగుతో ప్రయోజనాలెన్నో

Posted: 01/02/2015 05:37 PM IST

అందం కోసం ఆడవారు ఎంతగా తపిస్తారో చెప్పనవసరం లేదు. అందంగా ఉండటం కోసం ఎన్నో చిట్కాలు ప్రయోగిస్తారు. కొందరు సహజసిద్ద సౌందర్య చిట్కాలు పాటిస్తే.., ఇంకొందరు న్యాచురల్ మరియు కెమికల్ చిట్కాలు వాడుతారు. అయితే కెమికల్ చిట్కాలు వాడేవారు గమనించాల్సిన విషయం ఏమిటంటే.., మీరు వాడే లోషన్స్ ఇతర క్రీములన్నీ సహజ పధార్ధాల నుంచి తయారు చేసినవే. కాబట్టి కాస్త సమయం తీసుకుని సహజ లేపనాలు వాడితే న్యాచురల్ బ్యూటి వస్తుంది. సాధరాణంగా దొరికే పెరుగులో ఎన్నో ప్రయోజనాలు దాగి ఉన్నాయి. ఆరోగ్యానికి మంచి చేయటంతో పాటు.., అందాన్ని మెరుగుపరుస్తుంది. దీన్నే క్లెన్సర్ లా, మాయిశ్చరైజర్ లా, కండిషనర్ గా ఉపయోగించుకోవచ్చు. పెరుగును ఉపయోగించి ఇలా అందం పొందవచ్చో ఇఫ్పుడు చూద్దాం.

కండిషనర్ : ఒక టేబుల్ స్పూను తేనె తీసుకుని రెండు టేబుల్ స్పూన్ల మీగడను కలిపి ముఖానికి రాసుకుంటే కండిషనర్గా పనిచేస్తుంది. దీన్నే మెడకు కూడా అప్లై చేసి నిగారింపు పొందవచ్చు.

మాయిశ్చరైజర్ : ఒక టీస్పూన్ నిమ్మరసం, ఒక టీ స్పూన్ నారింజ రసం, ఒక కప్పు పెరుగు కలిపి పేస్టులా తయారు చేసి.., ముఖానికి రాసుకుని, పది హేను నిమిషాల తర్వాత టిష్యూతో తుడుచుకొండి. పొడి చర్మం తేమగా అవటంతో పాటు, చర్మ కాంతి కూడా పెరిగి కొత్త వన్నె తెస్తుంది.

పెరుగు వల్ల కలిగే ఇతర ప్రయోజనాలు :

* ముఖంపై మొటిమలు ఉన్నవారికి పెరుగులో శనగపిండి కలిపి ముఖంపై రాసుకుంటే మొటిమలు తగ్గుతాయి.
*  చుండ్రు ఉన్నవారు పెరుగులో ఉసిరి పొడి కలిపి తలకు పేస్టులా అప్లై చేసి అరగంట తర్వాత స్నానం చేస్తే ఫలితం ఉంటుంది.
* స్నానానికి పది నిమిషాల ముందు పెరుగును తలకు పట్టిస్తే కండిషనర్ గా పనిచేస్తుంది.
* వేసవిలో ఎండ వేడికి చర్మం నిగనిగలాడాలంటే పెరుగును చర్మంకు అప్లై చేసుకోవాలి.