‘ఆవిరి’తో చర్మసౌందర్యం పెంచుకోండి!

Posted: 10/24/2014 06:43 PM IST

చర్మసౌందర్యానికి మార్కెట్లో ఎన్నోరకాల క్రీములు, ఇతర లోషన్లు లభ్యమవుతున్నప్పటికీ.. వాటిలో వుండే రసాయనాలు అప్పుడప్పుడు ప్రభావం చూపుతాయి. వాటిని నిత్యం వాడితూవుంటేనే చర్మం అందంగా కనిపిస్తుంగానీ.. చర్మానికి అందాల్సిన సహజ పోషకాలు మాత్రం అందవు. తద్వారా చర్మం ఎర్రగా మారడం, అక్కడక్కడ మచ్చలు ఏర్పడటం, కల్లనింద నల్లని ఛాయలు వంటి ఏర్పడటం జరుగుతుంది. అలాకాకుండా చర్మసౌందర్యాన్ని సహజంగానే పెంచుకోవాలంటే కొన్ని హోమ్ రెమెడీస్ ద్వారా సాధ్యమవుతుంది. అందులో ఒకటి ముఖానికి ఆవిరి (స్టీమింగ్) పట్టించడం. ఇలా చేస్తే చర్మం ఫ్రెష్ గా తయారవుతుంది. చర్మంలో వుండే రంధ్రాలు తెరుచుకుని లోపల వుండే మలినపదార్థాలను బయటకు తీసేసి, చర్మాన్ని శుభ్రపరుస్తుంది. ఫేషియల్ స్టీమింగ్ అటు అందంతోపాటు ఆరోగ్యానికి కూడా ఎంతగానో ఉపయోగపడుతుంది.

పద్ధతి : ముందుగా ఒక పెద్ద గిన్నెను తీసుకుని అందులో కొన్ని నీటిని పోసి బాగా మరగించాలి. అలా మరిగించిన నీటిని తీసుకుని.. తల, ముఖం మొత్తం కవర్ అయ్యేలా టవల్ కప్పుకోవాలి. అప్పుడు ముఖానికి ఆవిరి పట్టించాలి. ఇలా 5-10 నిముషాల వరకు పట్టించాలి.

1. ఇలా ఆవిరి పట్టించిన వెంటనే చర్మంలోని మతకణాలు తొలగిపోతాయి. అలాగే చర్మకణాలు తెరుచుకొని తేమను అందిస్తుంది. దీంతో చర్మంలో వుండే దుమ్ము, ధూళి మొత్తం బయటకు నెట్టివేయబడుతాయి. అంతేకాదు.. దీనివల్ల బ్లాక్ హెడ్స్, వైట్ హెడ్స్ పూర్తిగా తొలగిపోతాయి కూడా! ఆవిరి పట్టిన తర్వాత ముఖాన్ని బాగా రుద్దుకుంటే.. ఇవి సులభంగా తొలగిపోతాయి. తద్వారా చర్మం నునుపుగా మారుతుంది.

2. ఈ ఆవిరి పద్దతి చేయడం వల్ల ముఖంమీదుంటే మొటిమలు, మచ్చలు తొలగిపోవడంతోపాటు చర్మంలో ఏర్పడ్డ టాక్సిన్స్, దుమ్మను పూర్తిగా తొలగించి.. ముఖాన్ని ఫ్రెష్ గా మార్చుతుంది. పొడిచర్మాన్ని తేమగా మార్చి, చర్మాన్ని బిగుతుగా వుండేలా చేస్తుంది.

3. ఆవిరి పట్టించిన మరుక్షణమే ముఖమంతా చెమట నీరుతో నిండిపోతుంది. ఈ నీరే చర్మాన్ని పూర్తిగా శుభ్రపరుస్తుంది. ఈ నీరు చర్మరంధ్రాల్లో సైతం దూరి లోపలుండే దుమ్ము, ధూళిని తొలగించేసి ఫ్రెస్ గా మార్చుతుంది. దాంతో ఫేస్ షైనింగ్ గా మారుతుంది.

AS