చెరకురసంలో దాగివున్న సౌందర్య రహస్యాలు!

Posted: 09/20/2014 02:51 PM IST

(Image source from: beauty tips for face with sugar cane)

అందం విషయంలో అమ్మాయిలు చాలా కాన్ఫిడెన్షియల్ గా వుంటారు. సౌందర్యంగా కనిపించడానికి రకరకాల ఫేసియల్ క్రీములు, బ్యూటీ పార్లర్లకు వెళ్లడంతోపాటు ఆయుర్వేద విధానాలను కూడా పాటిస్తారు. వీటిలో ఆయుర్వేద పద్ధతిలో పొందే అందం చాలా సహజత్వంగా వుంటుంది. అయితే ఇది ఖర్చుతో కూడుకున్నది కాబట్టి.. అందరూ ఈ పద్ధతినే పాటించలేకపోతారు. బ్యూటీ పార్లర్లకు వెళ్లడం కూడా కొంచెం ఎక్కువ ఖర్చుతోనే కూడుకున్నది కాబట్టి.. ఫేసియల్ క్రీములతోనే తమ అందాన్ని కాపాడుకుంటూ వస్తారు. అయితే ఇందులో వుండే రసాయనాలు అప్పుడప్పుడు చర్మసమస్యల్ని తెచ్చిపెట్టే ప్రమాదం వుంటుంది. మోతాదుకు మించి రాసుకున్నా.. చర్మం దెబ్బతింటుంది.

అటువంటి నేపథ్యంలో ఇటువంటి క్రీములు వాడకుండా ప్రకృతిలో లభించే కొన్ని పండ్లు, ఇతర ఆహారపదార్థాల ద్వారు సహజత్వంతో కూడిన మెరుగైన అందాన్ని సొంతం చేసుకోవచ్చు. ప్రకృతిలో లభించి సౌందర్య పదార్థాలలో చెరకు కూడా ఒకటి. చెరకు తెలియని కొన్ని సౌందర్య రహస్యాలు దాగి వున్నాయి. వీటిలో సౌందర్యాన్ని పెంపొందించే రసాయనాలు పుష్కలంగా వుంటాయి. ముఖ్యంగా గ్లైకోలిక్ యాసిడ్ చాలా వుంటుంది. ఇది చర్మాన్ని కాంతివంతం చేయడంతోపాటు మృదువుగా, సాఫ్ట్ గా వుండేలా చేస్తుంది. మరి, దీనిని ఎలా రాసుకోవాలో ఒకసారి తెలుసుకుందాం..

చెరకు నుంచి మొదటగా రసం పిండుకోవాలి. ఈ రసంలో గ్లైకోలిక్ యాసిడ్ అధిక మోతాదులో వుంటుంది కాబట్టి...  దీంతో ఫేషియల్ చేసుకోవడం వల్ల మొహం మీద మచ్చలు, మొటిమలు మాయమవుతాయి. అయితే గ్లైకోలిక్ యాసిడ్‌తో ఎలాంటి హాని కలగబోదని వైద్యులు అంటున్నారు. అంతేకాదు... అలిసిపోయిన చర్మానికి తిరిగి శక్తిని అందిస్తుంది. చర్మంలో సమతూకం ఉండేలా చూస్తుంది. మొహం మీద గీతలు, ముడతలు పడకుండా చేస్తుంది. మృతకణజాలాన్ని నశింపచేసి కొత్త కణజాలం తొందరగా రావడానికి సహాయపడుతుంది. మీ చర్మాన్ని అనుసరించి బ్యూటీషన్లు సలహా తీసుకుంటే మంచిది. అలాగే రాత్రి పూట పడుకోబోయే ముందు నైట్‌క్రీములు, క్లెన్సింగ్ మిల్క్‌ను ఉపయోగిస్తే మంచి ఫలితం ఉంటుంది.