నిత్యం యవ్వనంగా వుండాలంటే...

Posted: 09/19/2014 05:28 PM IST

సాధారణంగా వయసు పెరిగేకొద్దీ చర్మం ముడతలు పడటం, పొడిగా మారడం, మచ్చలు ఏర్పడటం, మొటిమలు మచ్చలుగా మారడం లాంటివి ఏర్పడుతుంటాయి. అయితే కొంతమంది వయస్సు తక్కువగానే వున్నప్పటికీ వయస్సు పైబడిన వారిలా కనిపిస్తుంటారు. అందుకు ముఖ్యకారణం వారి ముఖంపైకి చేరే మ్రుత కణాలు! ఇవి చర్మ కణాలను నాశనం చేసి, వయసు పైబడినవారిలాగా మార్చేస్తుంది. అలాగే చర్మసౌందర్యాన్ని పూర్తిగా మార్చేస్తుంది. మరి ఈ సమస్య నుంచి బయటపడాలంటే చక్కని ఫేషియల్ మాస్క్ వేసుకుంటే చాలు.. వయసు పెరుగుతున్నప్పటికీ నిత్యం యవ్వనంలా కనిపిస్తారు. అయితే ఆ ఫేషియల్ మాస్క్ ఎలా తయారుచేసుకోవాలో ఒకసారి తెలుసుకుందాం..!

1. వంట సోడాలో కొన్ని నీళ్ళు కలిపి, ఆ మిశ్రమంతో సున్నితంగా ముఖం పై రుద్దుకుంటే మ్రుత కణాలు తొలగిపోతాయి.

2. ముఖానికి తేమ కూడా అందాలి అనుకుంటే చెంచా ఆలివ్ నూనెలో కొద్దిగా పంచదారా వేసి దానితో ముఖం పై సున్నితంగా రుద్దాలి. ఈ పద్దతి ద్వారా మ్రుత కణాలు దూరం అవుతాయి.ఆలివ్ నూనెలో కాఫీ గింజల పొడిని వేసినా మంచి ఫలితమే కనిపిస్తుంది.

3. ఇలా మ్రుతకణాలు తొలగించిన తరువాత బొప్పాయి లేదా అరటిపండుని ముద్దగా చేసుకొని దానిలో కొద్దిగా, తేనె పెరుగూ కలిసి దాన్ని ముఖాన్ని పూతలా వేసుకుంటే వయసు ఛాయలు తగ్గి ముఖంలో స్పష్టమైన తేడా కనిపిస్తుంది.