ప్రకాశవంతంగా మిలమిలలాడుతూ.. విశాలంగా వుండే నయనాలు మహిళల ముఖారవిందాన్ని మరింతగా నిగారించేందుకు ఎంతో తోడ్పడుతాయి. మానవునిలో వుండే సహజత్వాన్ని తెలిపే ఈ కళ్లు చాలా సున్నితంగా వుంటాయి. మహిళలు తమ హావభావాలను కూడా కళ్ల ద్వారా వ్యక్తపరుస్తారు. కళ్ల ద్వారా పరస్పరం ఒకరికొకరు ఆకర్షణకు గురవుతారు. అటువంటి కళ్లను నిత్యం కాపాడుకోవడం మనందరి బాధ్యత. ముఖ్యంగా మహిళల అందం సాధ్యమైనంతవరకు కళ్లమీదే ఆధారపడి వుంటుంది. ఎంత అందంగా తయారయినా... కళ్ల అలసటగా గానీ, వాటి చుట్టూ నల్లని ఛాయలు గానీ వుండే ఎటువంటి లాభం వుండదు.

ప్రస్తుతకాలంలో మహిళలు కూడా ఉద్యోగాలు చేస్తుండడంతో చుట్టుపక్కల వున్న వాతావరణ ప్రభావం వల్ల వారి కంటి చుట్టూ నల్లని ఛాయలు - వలయాలు ఏర్పడుతున్నాయి. ఫలితంగా వారు ఎన్ని రకాల పద్ధతులను అవలంభించినప్పటికీ.. ఈ సమస్య నుంచి బయటపడలేకపోతున్నారు. అటువంటి వారికి కంటి ఛాయలను నివారించే కొన్ని సులభమైన పద్ధతులతో అందుబాటులో వున్నాయి.

కంటి చుట్టూ వుండే నల్లటి వలయాలను తొలిగించే నేచురల్ పద్ధతులు :
1. ఎటువంటి రక్షణ లేకుండా బయటి ప్రదేశాలలో ఎక్కువసేపు వుండటం వల్ల ఎండవేడిమికి, గాలిలో వున్న కలుషిత వాయువులు కంటి చుట్టూ వుండే చర్మకణాలను దెబ్బతీస్తాయి. అటువంటి సమయాల్లో ఏ సన్ స్ర్కీన్ క్రీమ్ ను వాడినా ఫలితం వుండదు. కాబట్టి... బయటకు వెళ్లేటప్పుడు మినరల్ సన్ స్ర్కీన్ ను గానీ, సన్ ప్రొటెక్షన్ ఐను గానీ లేదా యూవీ - ప్రొటెక్టెడ్ సన్ గ్లాసెస్ ను గానీ ఉపయోగించుకోవాలి. వైద్యులు కూడా ఇవే సలహాలు ఇస్తున్నారు.

2. ఉదయం లేచిన సమయం నుంచి రాత్రి నిద్రపోయే వరకు కళ్లు విశ్రాంతి లేకుండా పనిచేస్తూనే వుంటాయి. బయటకు వెళ్లినప్పుడు చుట్టూ వున్న వాతావరణం వల్ల, ఆఫీసులో ఎక్కువసేపు కంప్యూటర్ ముందు కూర్చోవడం వల్ల కళ్లు ఎంతో అలసటగా వుంటాయి. అటువంటి వేళలో సమయానుకూలంగా నిద్రపోవడం ఎంతో ఉత్తమమైన పద్ధతి. ఇలా చేయడం వల్ల యాంటీ ఏజింగ్ నుంచి కూడా సులభంగా బయటపడవచ్చు. రాత్రి నిద్రపోయే సమయంలో తల - మెడ సమాంతరంగా వుండే విధంగా దిండును అమర్చుకోవాలి. ఇలా చేయడం వల్ల కంటిచుట్టూ రక్తప్రసరణ సక్రమంగా జరుగుతుందని వైద్యులు తమ పరిశోధనల ద్వారా తెలుపుతున్నారు. అయితే నిద్రపోవడానికి ముందు ఫేషియల్ మాయిశ్చరైజర్ ను కొద్దిగా తీసుకుని, కంటి చుట్టూ మృదువుగా రాసుకోవాలి. ఇలా చేయడం వల్ల చర్మం లోపల రక్తప్రసరణ సులువుగా జరిగి, నల్లటి వలయాలను నివారిస్తుంది.

3. సాధారణంగా బయట తిరగడం వల్ల కళ్లు చుట్టూ దుమ్ము, ధూళి చేరి, పొడిగా మారడం జరుగుతాయి. పైగా కళ్లు ఎంతో భారంగా వున్నట్టు అనిపిస్తాయి. అటువంటి సమయాల్లో వైద్యుల సలహాలను తీసుకుని, నాణ్యత కలిగిన టియర్స్ డ్రాప్స్ ను వాడితే చాలు... దీంతో కళ్లు తిరిగి తాజాదనాన్ని పొందుతాయి.

4. ముఖ్యంగా కంటి చుట్టూ నల్లటి వలయాలు పడటానికి కారణం.. చర్మం వదులుగా మారడమే! అటువంటి చర్మాన్ని బిగుతుగా చేసుకునేందుకు ప్రస్తుత మార్కెట్లో ఎన్నోరకాల ఇంజెక్షన్లు లభ్యమవుతున్నాయి. అందులో ప్రధానమైనవి బొటాక్స్ ఇంజెక్షన్స్. అయితే ఇందుకోసం కొంచెం ఎక్కువ ఖర్చును వెచ్చించాల్సి వుంటుంది. ఒకవేళ ఇంత ఖర్చును భరించలేకపోతే.. సులభంగా ఐ లాషెస్ ఇందుకు సహాయపడుతాయి. ఇవి మార్కెట్లో చాలా తక్కువ ధర అవడమే కాకుండా.. కనురెప్పలను మందంగా చేసి, విశాలంగా మారుస్తాయి.

ఇలా ఈ విధంగా ఎక్కువ ఖర్చులు లేకుండానే కంటి చుట్టూ వున్న వలయాలను తొలగించుకోవచ్చు.