సాధారణంగా వయసు పెరిగేకొద్దీ శరీరంలో పోషక విలువలు తగ్గుతూ పోవడంతో కేశాలకు కావాల్సిన ఔషధాలు అందవు. దాంతో జుట్టు కాలక్రమంలో తెల్లగా మారడం జరుగుతుంది. అయితే ప్రస్తుతకాలంలో మాత్రం యువతీయువకులకు చాలా త్వరగానే తెల్లజుట్టు రావడం జరుగుతోంది. దీనికి ముఖ్యకారణం.. వారి జీవనశైలి, ఆహార అలవాట్లలో మార్పులు చేసుకోవడమే!

నేటి సమాజంలో ప్రతిఒక్కరు ఒత్తిళ్లతో కూడిన పనులు, ఉద్యోగాలు చేయడంతోనే ఇటువంటి సమస్యలు తలెత్తుతున్నాయి. ముందుగా జుట్టు గ్రే కలర్ లోకి మారడం జరుగుతుంది. ఆ తరువాత సరైన పోషక విలువలు లేని ఆహార పదార్థాలను తీసుకోవడం ద్వారా ఈ గ్రే కలర్ లో వున్న జుట్టు తెల్లగా మారడం జరుగుతుంది. రానురాను జుట్టు సున్నితంగా మారిపోయి రాలిపోతుంది.

అంతేకాకుండా కొన్ని అనారోగ్య సమస్యల వల్ల కూడా జుట్టు తెల్లగా మారడం జరుగుతుంది. అందులో భాగంగానే థైరాయిడ్, అనీమియా వంటి వ్యాధులు జుట్టును తెల్లగా మార్చడంతో ప్రధాన పాత్రను పోషిస్తాయి. పొట్ట సంబంధింత వ్యాధుల నుంచి బాధపడేవారికి కూడా జుట్టు గ్రే కలర్ లోకి మారిపోవడం జరుగుతుంది. ఎందుకంటే.. పొట్టలావుగా వున్నవారికి విటమిన్ బి12 శాతం తగ్గిపోతుంది. దాంతో జుట్టుకు అందాల్సిన పోషకాలు సరిగ్గా అందక.. అవి గ్రే కలర్ లోకి మారిపోతాయి.

అయితే ఇటువంటి సమస్యల నుంచి బయటపడడానికి ఎక్కువగా డబ్బులు ఖర్చు శస్త్రచికిత్సలు, బ్యూటీ పార్లర్లకు వెళ్లాల్సిన అవరసం. సమయానుకూలంగా పోషక విలువులున్న ఆహార పదార్థాలను తూచాతప్పకుండా తీసుకుంటే తెల్ల జుట్టును నివారించవచ్చు. అలాగే జుట్టు రాలడాలన్ని కూడా అదుపులో వుంచుకోవచ్చు. అటువంటి పోషక విలువలున్న హెల్తీ ఫుడ్ గురించి మనం ఒకసారి తెలుసుకుందాం....

తెల్లజుట్టును, జుట్టు రాలడాన్ని అదుపులో వుంచే ఆహార పదార్థాలు... హోమ్ రెమెడీస్...

ఉప్పు... ముఖ్యంగా ఐయోడిన్ ఎక్కువగా కలిగివున్న ఉప్పును మాత్రమే తీసుకోవాలి. ఉప్పును నేరుగా తీసుకోకుండా.. ఐయోడిన్ ఎక్కువగా వుండే చేపలు వంటి ఆహారపదార్థాలలో ఉప్పును కలుపుకుని తీసుకోవాలి. అలా అని ఉప్పును ఎక్కువ పరిమాణంలో సేవించకూడదు. అలా చేస్తే ఆరోగ్యానికి హాని కలిగిస్తుంది.

కరివేపాకు... ఇది జుట్టు మూలాలలో వుండే గ్రే హెయిర్ ను తొలగించి, జుట్టును బలోపేతం చేయడంలో ముఖ్యపాత్రను పోషిస్తుంది. అంతేకాకుండా.. ఈ ఆకులను కొబ్బరినూనెలో బాగా మరిగించి, ఆ నూనెతో తలకు మసాజ్ చేసుకుంటే మరి మంచిది. ఇలా చేస్తే తెల్లజుట్టు తొలగిపోవడంతోపాటు.. జుట్టు బాగా పెరుగుతుంది.

ఉసిరి... ఇందులో ఎక్కువగా విటమిన్ సి వుంటుంది. ఇందులో వుండే పోషక విలువలు జుట్టును బలోపేతం చేసి, తెల్లజుట్టును నివారిస్తాయి. జుట్టు రాలడాన్ని కూడా అదుపులో వుంచుకుంటాయి. కాబట్టి దీనిని నిత్యం తీసుకోవడం వల్ల గ్రే హెయిర్, తెల్లజుట్టును నివారించుకోవచ్చు.

సన్ ఫ్లవర్ సీడ్స్... ఈ సీడ్స్ లో ఎక్కువ శాతం మినరల్స్ వుంటాయి. ఇవి శరీరాన్ని ఆరోగ్యవంతంగా వుంచడంలో తమదైన ముఖ్యభూమికను పోషిస్తాయి. అంతేకాకుండా ఇవి జుట్టుకు అవసరమయ్యే మిలాన్ కంటెంట్, కాపర్ కంటెంట్ లను కూడా ఎక్కువగా ఉత్పత్తి చేయడంలో దోహదపడుతాయి. ఈ రెండు కంటెంట్ లు తెల్లజుట్టును నివారించి.. జుట్టు రాలడాన్ని అదుపులో వుంచుతాయి.

డార్క్ చాక్లెట్... చిన్నపిల్లల నుంచి పెద్దలవరకు వీటిని ఎంతో ఇష్టంగా తింటారు. ఇందులో కాపర్ ఎంతో పుష్కలంగా లభిస్తుంది. ఈ కాపర్ జుట్టుకు అవసరమయ్యే మిలాన్ సెట్స్ ను ఉత్పత్తి చేయడంలో సహాయపడుతుంది. అలా ఉత్పత్తి అయిన మిలాన్ సెల్స్.. జుట్టును తెల్లబడకుండా, రాలకుండా నివారించడానికి దోహదపడుతుంది.

బాదం... బాదంలో విటమిన్ ఈ, కాపర్ వంటి పోషకాలు పుష్కలంగా లభ్యమవుతాయి. ఇంతకుముందు తెలుసుకున్న విధంగా ఇవి గ్రే హెయిర్, తెల్లజుట్టును నివారించి.. ఆరోగ్యంగా వుంచడంలో సహాయపడుతాయి.

ఆకుకూరలు... ఇందులో విటమిన్ బి5, బి12 ఎంతో పుష్కలంగా లభిస్తాయి. ఇవి సన్నగా మారిన జుట్టును బలవంతం చేసి, జుట్టు రాలడాన్ని నివారిస్తాయి. జుట్టును ఆరోగ్యవంతంగా వుంచడంలో ఎల్లప్పుడూ సహాయపడుతాయి. వీటిని భోజనం తీసుకునే ప్రతీసారి తింటే.. తెల్లజుట్టును సులభంగా నివారించుకోవచ్చు.

బెర్రీస్... ఇవి చాలారకాలలో అందుబాటులో వుంటాయి. ఇందులో కూడా విటమిన్ సి అత్యధికంగా వుంటుంది. ఇది జుట్టును ఆరోగ్యంగా వుంచుతూ.. పెరుగుదలకు కూడా దోహదపడుతుంది. ప్రీమెచ్యుర్ గ్రే హెయిర్ ను మటుమాయంచేస్తుంది.

సాల్మన్ ఫిష్... ఇది జుట్టుతోపాటు చర్మ సౌందర్యానికి కూడా సహాయపడుతుంది. ఇందులో వుండే ఒమేగా 3 ఫ్యాటీ ఆసిడ్స్ జుట్టు తెల్లగా మారకుండా చేస్తుంది. ఈ ఫిష్ లో సెలీనియం అనే పోషకం జుట్టు సంబంధిత హార్మోన్లను ఉత్పత్తిచేసి.. ఎల్లప్పుడు నల్లగా వుండేందుకు సహాయపడుతుంది.

ఈ విధంగా ఎటువంటి ఖర్చులను వెచ్చించకుండా.. ఇంట్లోనే ఈ హోమ్ రెమెడీస్ ని నిత్యం పాటిస్తే.. తెల్లజుట్టును నివారించుకోవడంతోపాటు జుట్టురాలడాన్ని అదుపులో వుంచుకోవచ్చు.