లిప్ స్టిక్ జాగ్రత్తలు

Posted: 02/12/2013 01:41 PM IST

ముఖంలో ఎన్ని హంగులు కవర్‌చేసుకున్నా, ముఖ్యంగా పెదాలు ఆకర్షణీయంగా కనిపించకపోతే, అందం మందగించినట్టే. అందుకే చాలామంది లిప్‌స్టిక్‌లు వాడుతూవుంటారు. లిప్‌స్టిక్‌ వేసుకోవడం కూడా ఒక కళ. సరైన పద్దతిలో లిప్‌స్టిక్‌ వేసుకోకపోతే చుట్టూవున్నవారు మీ గురించే మాట్లాడుకుంటూ ఉంటారన్నది ఖాయం. అందుకే లిప్‌స్టిక్‌ వేసుకునేటప్పుడు కొన్ని జాగ్రత్తలు పాటిస్తే, మీ పెదాల్ని ముద్దొచ్చేలా మల్చుకోవచ్చు.

లిప్‌స్టిక రాసుకునే ముందు పాలతో ముంచిన దూదితో పెదాలను బాగా క్లీన్‌ చేసుకోవాలి. పెదాలు శుభ్రంగా లేకపోతే లిప్‌స్టిక్‌ మెరుపు, అందము కనపడదు. ఫౌండేషన్‌ క్రీము రాసుకుని బాగా ఆరనివ్వండి. మొదటి లిప్‌సిక్‌ని అంటి అంటనట్లుగా రాసుకుంటు పోతూ క్రమంగా మెల్లమెల్లగా అద్దుకుంటూ పోవాలి. బ్రాండెడ్‌ లిప్‌స్టిక్‌ల్నే వాడటం మంచిది. లిప్‌స్టిక్‌ హడావిడిగా వేసుకోవద్దు. నిదానంగా అప్లై చేయండి.ఇక లిప్‌స్టిక్‌ అలవాటులేని యువతుల సంఖ్యే ఎక్కువగా ఉంటుంది. ఎందుకంటే ప్రతివారూ లిప్‌స్టిక్‌ రాసుకోవడానికి ఇష్టపడరు. అటువంటివారు తమ పెదాలు గనుక నల్లగా గానీ, డార్క్‌ బ్రౌన్‌లో గానీ, పొడిగా గీతలు కానీ ఉన్నట్లు అనిపిస్తే అందుకు మరిన్ని చిట్కాలు మనింట్లోనే ఉన్నాయి. రోజూ రాత్రి పడుకునే ముందు పెదాలు సబ్బుతో కడిగి, ఆవునెయ్యి రాస్తూవుంటే, కొద్ది రోజుల్లో మీ పెదాలు దొండపండులా మెరుస్తాయి.

వేడి వేడి కాఫీ, టీలు పెదాలకి పూర్తిగా ఆన్చి తాగకుండా కొద్ది కొద్దిగా ఊదుకుంటూ తాగుతుంటే, దాని ప్రభావానికి మృధువుగా ఉండే పెదాలు పాడవకుండా, నల్లబడకుండా ఉంటాయి. రోజంతా ఎటోకటు తిరగక తప్పదు. అప్పుడు పెదాలు ఎండిపోతున్నట్టు అనిపించి సాధారణంగా అందరూ నాలుకతో పెదాలు తడుపుతూ ఉంటారు. అలాకాకుండా, ఒక రుమాలు ఒక కొస కొద్దిగా తడిపి ఉంచుకుంటూ ఉండండి. అప్పుడప్పుడు మీ పెదాలు ఆ తడిబాగం తో తుడుచుకుంటూవుంటే, పెదాల్ని కని పించకుండా అంటిన మలినాలు, దుమ్ము పోయి పరిశుభ్రంగా ఉంటాయి. వీలైతే చిన్న వేసలీన్‌ సీసా కూడా దగ్గరుంచుకుని ఆరారగా పెదాలకు రాసుకుంటూ మీ పనుల మీద తిరగండి. పెదాలు వన్నె తగ్గకుండా ఉంటాయి. లిప్‌స్టిక్‌ కన్నా ఇదెంతో మేలు.