భారతదేశపు మొట్టమొదటి పౌర విమానాశ్రయం

Posted: 04/27/2015 04:30 PM IST

చరిత్రపుటంచుల్లో ఎన్నో రికార్డులను లిఖించుకున్న భారతదేశంలో మానవాళికి వెలుగులోకి రాని కొన్ని నిఖార్సైన నిజాలు ఇంకా దాగి వున్నాయి. అటువంటి దాగివున్న నిజాల్లో జుహు విమానాశ్రయంను ఒకటిగా పేర్కొనవచ్చు. ఎందుకంటే.. 928లో ప్రారంభించబడిన ఈ విమానాశ్రయం భారతదేశపు మొట్టమొదటి పౌరవిమానయాన విమాశ్రయంగా పేరుపొందింది. ఇది ముంబయి శివార్లలో జుహు వద్ద వున్న ఓ చిన్న విమానాశ్రయం. ఇక్కడి నుండి ప్రయాణీకులను చేరవేసే చిన్న పాటి విమానాలు, హెలీకాప్టర్లు తమ కార్యకలాపాలను కొనసాగిస్తుంటాయి. రెండవ ప్రపంచయుద్ధం వరకు ఇది ముంబయి నగర ప్రధాన విమానాశ్రయంగా సేవలందించింది.

మరిన్ని విషయాలు :

1928లో ఈ విమానాశ్రయాన్ని ఎలాంటి సదుపాయాలు లేకుండా ప్రారంభించారు. అప్పటిలో ప్రారంభమైన న్యూ బాంబే ఫ్లైయింగ్ క్లబ్ సభ్యులకు ఇందులో శిక్షణా కార్యకలాపాలు, వైమానిక సేవలు మాత్రమే లభించేవి. వర్షాకాలంలో పౌరవిమాన సేవలకు ఈ విమానాశ్రయం అనువు కాకపోవడంతో కార్యకలాపాలు నిలిపివేసేవారు. అయినా 1932 నాటికి ఇక్కడ చాలాసౌకర్యాలు కల్పించబడ్డాయి. ఆ సంవత్సరకాలలో భారత పరిశ్రమల పితామహుడిగా వ్యవహరించే జె.ఆర్.డి.టాటా ఇక్కడి నుండి భారతదేశ మొట్టమొదటి విమాన తపాలా సేవలను ప్రారంభించడంతో భారత వైమానిక రంగంలో నూతన శకం ప్రారంభమైంది.