ఐఎస్ ఉగ్రవాదే.. మారిపోతానంటూ ఇంటికి తిరిగివచ్చాడు..

Posted: 11/28/2014 09:08 PM IST

ఇంటిని, కనిపెంచిన అమ్మానాన్నలను వదిలిపెట్టి ఉగ్రవాదులుగా మారిపోడానికి ఇరాక్ వెళ్లి, ఇస్లామిక్ స్టేట్ ఉగ్రవాద సంస్థలో సభ్యునిగా చేరిన నలుగురు యువకుల్లో ఒకరు భారతదేశానికి తిరిగొచ్చారు. ముంబైకి చెందిన ఆరిఫ్ మజీద్ ఇలా ఇరాక్, అక్కడి నుంచి టర్కీ వెళ్లగా అతడిని టర్కీ నుంచి వెనక్కి తీసుకొచ్చారు. ఇస్లామిక్ స్టేట్ ఉగ్రవాదిగా మారడమంటే కఠోర శిక్షణను పోందాల్సి వుంటుందని టర్కీలో తెలుకున్న మజీద్ వెనక్కు వచ్చాడు. ప్రస్తుతం అతడిని జాతీయ దర్యాప్తు సంస్థ (ఎన్ఐఏ) వర్గాలు ప్రశ్నిస్తున్నాయి.

ఈనెల మొదట్లోనే మజీద్ తన కుటుంబసభ్యులకు ఫోన్ చేసి, ఇంటికి తిరిగి వచ్చేయాలనుకుంటున్నట్లు చెప్పాడు. ఐఎస్ ఉగ్రవాద సంస్థ చాలా సంపన్న ఉగ్రవాద సంస్థని తెలుసుకుని డబ్బులు సంపాదించడాని ఆకర్షితుడినై వెళ్లానని అతని తల్లిదండ్రులతో చెప్పాడు. అయితే ఇంతకుముందు ఆగస్టులోనే అతడు చనిపోయినట్లుగా కుటుంబ సభ్యులకు ఫోన్ రావడంతో, ఇన్నాళ్ల నుంచి అతడు లేడనే వారు అనుకున్నారు. ఎట్టకేలకు తిరిగి రావడంతో కాస్త సంతోషిస్తున్నారు.

జి మనోహర్