అమెరికా థ్యాంక్ గివ్వింగ్ రోజున శాంతించిన ఫెర్గూసన్

Posted: 11/28/2014 08:36 PM IST

Crowds angry over ferguson police shooting take a pause from protest violence on thanksgiving

బొమ్మ తుపాకీతో స్థానికులను భయపెట్టిన నల్లజాతి బాలుడిని కాల్చి చంపిన శ్వేత పోలీసుపై అభియోగాలు నమోదు చేయాల్సిన అవసరం లేదంటూ కోర్టు ధర్మాసనం తీసుకున్న నిర్ణయంపై రెండు రోజులుగా నిరసనలతో అట్టుడికిన అమెరికాలోని ఫెర్గూసన్‌లో చాలావరకు ప్రశాంత పరిస్థితి నెలకొంది. థ్యాంక్స్‌గివింగ్ సెలవుకు ముందు రోజు క్యాలిఫోర్నియా పట్టణాలైన ఓక్‌ల్యాండ్, లాస్ ఏంజిలెస్, సాన్ డీగోలో వందలాది మంది ప్రదర్శనలను నిర్వహించారు. లండన్‌లోని అమెరికా దౌత్య కార్యాలయం వెలుపలా నిరసనలు జరిగాయి. ఆందోళన కారులు ఫెర్గూసన్‌కు సంఘీభావం ప్రకటిస్తున్నామంటూ ప్రదర్శనకు దిగారు.

లండన్ ఉత్తర ప్రాంతంలో 2011లో పోలీసులు కాల్చి చంపిన మార్క్ డగన్ కుటుంబం ఇందులో పాల్గొంది. ఆగస్టు 9న డారెన్ విల్సన్ అనే పోలీసు అధికారి 18 ఏళ్ల మైఖేల్ బ్రౌన్‌ను కాల్చి చంపటంతో ఫెర్గూసన్‌లో ఆందోళనలు మొదలయ్యాయి. కోర్టు ధర్మాసనం నిర్ణయంతో ఇవి ఈ వారంలో మరోసారి చెలరేగాయి. అయితే అమెరికాలో భారీగా తగ్గిన ఉష్ణోగ్రతలు, కురుస్తున్న హిమాపాతం కూడా ఒకింత నిరసనకారులను భయటకు రావడంలో అడ్డుకున్నాయి.

జి.మనోహర్