వ్యభిచారం చేస్తూ పట్టుబడ్డ నటి స్వాతి

Posted: 11/26/2014 09:29 AM IST

వ్యభిచారం రొంపిలోకి దిగిన మరో సినిమా ఆర్టిస్టును పోలిసులు అరెస్టు చేశారు. హైదరాబాద్ లోని మోతీ నగర్ లో తాజా ముఠా పట్టుబడింది. ఎస్.ఆర్. నగర్ పోలిసుల కథనం ప్రకారం.., మోతి నగర్ లోని జ్యోతి అపార్ట్ మెంట్ లోని ఓ ఫ్లాట్ లో వ్యభిచారం నిర్వహిస్తున్నట్లు ప్రత్యేక బృందాల ద్వారా సమాచారం అందింది. విషయం తెలుసుకున్న పోలిసులు.., మంగళవారం రాత్రి ఇంటిపై దాడి చేయగా ఇంట్లో వ్యభిచారం చేస్తూ ఆర్టిస్టు స్వాతితో పాటు మరికొందరు వ్యక్తులు పట్టుబడ్డారు. వీరందర్ని అరెస్టు చేసి పోలిస్ స్టేషన్ కు తరలించారు.

నిందితులపై వ్యభిచార నిరోధక చట్టం ప్రకారం కేసు నమోదు చేశారు. స్థానికుల సమాచారం ప్రకారం., ఇద్దరు వ్యక్తులు ఫ్లాట్ కు తరుచూ వచ్చి వెళ్తుంటారనీ.., తాజాగా పట్టుబడ్డ స్వాతి అనే ఆర్టిస్టు మంగళవారం రోజే వచ్చిందని తెలిపారు. అపార్ట్ మెంట్ యజమానులు ఫ్లాటు అద్దెకు ఇచ్చే సమయంలో ఎంక్వయిరీ చేయకుండా డబ్బులొస్తున్నాయనే ఉద్దేశ్యంతో వ్యవహరించటం వల్లే ఇలాంటి అక్రమాలు పెరిగిపోయినట్లు స్థానికులు ఆగ్రహం వ్యక్తం చేస్తున్నారు. అటు పోలిసులు కూడా వ్యభిచార గృహ నిర్వాహణపై సమాచారం ఉంటే అందించాలని కోరుతున్నారు.

కార్తిక్