శ్రీవారి కొండపై అన్యమత ప్రచారం చేస్తే కఠిన చర్యలు

Posted: 11/25/2014 09:18 PM IST

కలియుగ ప్రత్యక్ష దైవం తిరుమల తిరుపతి దేవస్థానం అవరణలో కానీ, తిరుమల కోండపై గాని అన్యమత ప్రచారానికి పాల్పడితే కఠిన చర్యలు తీసుకుంటామని పోలీసులు హెచ్చరికలు జారీ చేశారు. అన్యమత ప్రచారానికి పాల్పడేవారిపై కఠిన చర్యలు తప్పవని ఏఎస్పీ స్వామి హెచ్చరించారు. ఇవాళ తిరుమలలో ఏఎస్పీ మీడియాతో మాట్లాడుతూ...  పాస్టర్ సుధీర్కు చెందిన ల్యాప్టాప్తో పాటు సిస్టమ్ను స్వాధీనం చేసుకున్నట్లు చెప్పారు. ఆధారాలన్నీ ఇప్పటికే కోర్టుకు సమర్పించినట్లు తెలిపారు. దాంతో సుధీర్కు కోర్టు రిమాండ్ విధించింది.   

ఇటీవల పాస్టర్ సుధీర్ తిరుమలలో అన్య ప్రచారం నిర్వహిస్తున్న కార్యక్రమం మీడియాలో హాల్చల్ చేసింది. దీంతో తిరుపతి పోలీసులు రంగంలోకి దిగి సుధీర్ను అరెస్ట్ చేశారు. అనంతరం ఆయన్ని కోర్టులో హాజరుపర్చారు. తిరుమల శ్రీవారి ఆలయం ఎదురుగా ఒక హైందవుడిని మతమార్పిడి చేసేందుకు యత్నించాడు. తిరుమల కోండను వాటికన్ సిటిగా మారుస్తానని, తనకు కొంత నిధులు పంపితే చాలునని అమెరికాకు తన వీడియోలను పంపాడు. అమెరికాలోని హైందవ భక్తులు ఆ వీడియోను చూసి.. మీడియాకు సమాచారం అందించడంతో తిరుమల కోండలలో అన్యమత ప్రచారం జరుగుతున్న విషయం వెలుగులోకి వచ్చింది.  

జి.మనోహర్